Mateus 17:10 - Chuukese Bible

¹⁰ Mürin ekewe chon kaiö ra aisini Jesus, “Pwota ekewe Sensen Allük ra apasa, pwe Elias epwe akomwen feito?”

Mateus 17:10 Iomraidhean Croise

Mateus 11:14

Nge are oua mochen lükü ar kapas, Johannes i ätewe ewe soufos a kapas usun, lupwen a apasa pwe Elias epwe war.

Mateus 16:14

Ra pölüeni, “Ekoch aramas ra apasa pwe Johannes Soupapatais, pwal ekoch ra apasa pwe Elias, nge pwal ekoch ra apasa pwe Jeremaia ika eman ekewe soufos.”

Mateus 17:11

Jesus a pölüeniir, “Mi pwüng pwe Elias epwe akomwen feito, pwe epwe amolätä ekewe mettoch meinisin.

Markus 9:11

Iwe, ra aisini Jesus, “Pwota ekewe Sensen Allük ra apasa, pwe Elias epwe akomwen feito?”

Johannes 1:21

Iwe, ir ra aisini, “Nge iö chök en? En Elias?” Johannes a pölüeni, “Apw, sap ngang Elias” Ra pwal aisini, “En ewe Soufos?” Johannes a pölüeni, “Apw.”

Johannes 1:25

ra aisini Johannes, “Ika sap en Kraist ika Elias ika ewe Soufos, pwota chök ka föri angangen papatais?”