Mateus 17:1 - Chuukese Bible

¹ Iwe, mürin wonu rän, Jesus a emwenala Petrus me ekewe ruoman pwipwi James me Johannes, pwe repwe feitä won eu chuk mi tekia o imwüla ikenan.

Mateus 17:1 Iomraidhean Croise

Mateus 17:2

Lupwen ar nenengeni Jesus, a wilila inisin: won mesan a saramaram usun akkar, nge üfan kana ra fokun pwechela o molupolup.

Mateus 26:37

A pwal aweinala Petrus me nöün Sepeti kewe ruoman mwän. Mürin a popuetä le letipeta o riaföü.

Markus 13:3

Lupwen Jesus a mot won ewe chukun Olif pekilan ewe imwenfel, Petrus, James, Johannes me Andru chök ra feila ren.

Markus 5:37

Mürin Jesus esap chüen mwüt ngeni eman epwe fiti, pwe Petrus chök me James me pwiin we Johannes.

Lukas 8:51

Lupwen Jesus a tori ewe imw, esap mwüt ngeni eman epwe eti le tolong, pwe Petrus chök me Johannes me James, pwal semen me inen ewe nengin.

2. Korint 13:1

Iwe, iei aülüngatin fansoun ai üpwe feila churikemi. Usun a mak lon ekewe Toropwe mi Pin, “A chök fis allükülükün tipisin eman are a wor ruoman ika ülüman chon pwärätä.”

2. Petrus 1:16

Äm aisap longolong won ekewe pworaus aramas ra afisätä, lupwen aia aronga ngenikemi usun manamanen ach Samol Jesus Kraist lon ewe fansoun epwe liwinsefäl. Äm aia küna ren püsin mesem an we ling mi lapalap.

2. Petrus 1:18

Püsin äm aia rongorong ei möngüngü mi feito seni läng, lupwen aia nom ren won ewe chuk mi pin.