Mateus 16:8 - Chuukese Bible

⁸ Nge Jesus a silei met ra kapasfengen won lefiler, iei mine a aisiniir, “Pwota oua kapasfengen usun an esap wor remi pilawa? Mwa met me kisikisin ämi lükülük!

Mateus 16:8 Iomraidhean Croise

Mateus 14:31

Lon ewe chök otun Jesus a aitiela pöün, a amwöchü pöün Petrus o üreni, “Ka lükükisikis! Pwota ka tipemwaramwar?”

Mateus 16:7

Iwe, ekewe chon kaiö ra popuetä le kapasfengen lefiler, “A apasatä ei ititin fos, pun sisap uwou pilawa.”

Mateus 6:30

Are iei usun än Kot aüfa ekewe fetilin lemäl, fetil mi wor ikenai, nge lesor epwe koturulong lon um, ifa usun, Kot esap fokun aüföüfakemi lap seniir? Ämi oua lükülük kisikis!

Mateus 8:26

Jesus a üreniir, “Pwota oua niuokus? Pwota iei me lükükisikisimi.” Mürin a ütä o fos ngeni asepwäl me no pwe repwe ükütiu. Iwe, ewe asepwäl a söötiu o a fokun lüala won matau.

Markus 16:14

Mürilan meinisin Jesus a pwä ngeni ekewe engol me eman chon kaiö lupwen ra mongöfengen. Iwe, a fönöör pokiten esap wor ar lükülük, ra pwal tipeförea, pun resap lükü alon chokewe ra küna pwe Jesus a manausefäl.

Johannes 16:30

Iei äm aia silei, pwe en ka silei mettoch meinisin. Kosap osun än eman epwe kapas ais ngonuk, iei popun äm aia lükü, pwe en ka feito seni Kot.”

Ipru 4:13

Esap fokun wor och epwe tongeni monola seni Kot. Förian kana meinisin ra säretä o pwäpwäla mwen mesan. Iwe, kich meinisin sipwe fokun pwärätä ngeni i ach föför meinisin.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.