Mateus 16:3 - Chuukese Bible

³ Nge lesosorusich oua apasa, ‘Epwe räningau, pun a par o roch fän läng.’ Oua tongeni osuni usun ränöch me räningau ren ämi nenengeni fän läng, nge ousap tongeni awewei ekewe asisilen fansoun ikenai!

Mateus 16:3 Iomraidhean Croise

1. Kronika 12:32

Seni ewe ainangen Isakar ükükün rüepükü samol me märärir meinisin mi nom fän nemenier. Ekei mwän ra weweiti fansoun o silei mine chon Israel repwe föri.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 15:7

Ämi chon likatuputup! A fokun pwüng mine Aisea a fen osuni usumi!

Mateus 22:18

Nge Jesus a silei usun ar ekiek mi ngau, iei mine a üreniir, “Ämi chon likatuputup! Pwota oua sotuniei?

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 4:23

Iwe, Jesus a fetalfeil lon unusen Kalilea, a aiti ngeni aramas kapasen Kot me lon ekewe imwen felikis, a afalafala ewe Pworaus Allim usun ewe Mwün Kot, a pwal apöchöküla aramas mi eäni sokopaten samau me apwangapwang.

Mateus 7:5

En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.

Lukas 11:44

Feiengauemi! Pun oua usun chök ekewe peias esap wor eman a küna, aramas ra fetal won, nge resap silei.”

Lukas 12:56

Ämi chon atuputup! Oua tongeni osuni usun ränöch me räningau ren ämi nengeni lapalapen fanüfan me läng, nge pwota ousap silei usun ämi awewe lapalapen fansoun ikenai?

Lukas 13:15

Mürin ewe Samol a üreni, “Ämi chon likatuputup! Ifa usun ousap apichi ririn nöümi kow ika aas seni ewe ia a riri ie o etekinala, pwe oupwe aünü ngeni koluk lon ewe ränin sapat?

Ipru 5:14

Nge mongö mi pöchökül a chök fän iten ekewe aramas mi mwukula, ir chokewe mi aörüni ngeniir ar repwe tufichin alefila lefilen mine a öch me mine a ngau.