Mateus 16:13 - Chuukese Bible

¹³ Iwe, Jesus a feila ngeni ewe fanü arap ngeni ewe telinimw Seserea Filipi. Ikenan a aisini nöün kewe chon kaiö, “Met aramas ra apasa usun Nöün Aramas iö i?”

Mateus 16:13 Iomraidhean Croise

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Mateus 12:32

Iö a apasa och kapasen ü ngeni Nöün Aramas a tongeni musala. Nge iö a apasa och kapasen ü ngeni Ngünmifel esap fokun musala lon ei fansoun ikenai tori feilfeilachök.

Mateus 12:40

Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

Mateus 12:8

Pun ewe Nöün Aramas i Sounemenemen ewe ränin sapat.”

Mateus 13:37

Jesus a pölüeniir, “Ewe mwän mi amworafeili ekewe pwükil mi mürina, iei i ewe Nöün Aramas.

Mateus 13:41

Ewe Nöün Aramas epwe tinala nöün kewe chon läng pwe repwe amwichafengeni seni lon Mwün chokewe meinisin mi emweni aramas ngeni tipis, pwal chokewe meinisin mi föri ekewe föför mi ngau.

Mateus 15:21

Mürin Jesus a feila seni ewe leni o feila lon eu fanü arap ngeni ekewe telinimw Tirus me Siton.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 16:28

Enlet, üpwe ürenikemi pwe mi wor ekoch aramas ikei resap mäla, pwe repwe mwo küna Nöün Aramas epwe war lon wisan wisen king o nemenem.”

Mateus 25:31

“Iwe, lupwen Nöün Aramas epwe war lon lingan o chon läng meinisin repwe eti, epwe mot won an lenien motun king mi ling.

Mateus 8:20

Jesus a üreni, “Ekewe foks a wor pwanger fän pwül, ekewe mansüsü a wor faser, nge Nöün Aramas esap wor lenian ia epwe konola ie.”

Mateus 9:6

Iwe, ngang üpwe alükülükü ngenikemi, pwe Nöün Aramas a wor an pwüüng won fanüfan an epwe amusala tipis.” Iei mine a üreni ewe mwän mi mwök, “Kopwe ütä, angei kiom o feila lon imwom.”

Markus 10:45

Pun ewe mwo nge Nöün Aramas esap feito pwe aramas repwe angang ngeni, nge a feito pwe epwe angang ngeniir o fangala manauan fänäsengesiir pwe möön manauer.”

Markus 8:38

Are eman a säwäsiniei me ai kewe kapas me lein ei täppin aramas mi kirikiringau me tipis ngeni Kot, Nöün Aramas epwe pwal säwäsini lupwen epwe war me ekewe chon läng mi pin lon lingen Saman.”

Johannes 1:51

Mürin a üreniir, “Enlet, üpwe wesewesen ürenikemi: Ämi oupwe küna pwe läng epwe sukula o nöün Kot kewe chon läng repwe feitä me feitiu won Nöün Aramas.”

Johannes 12:34

Ewe mwichen aramas ra pölüeni, “Äm aia silei seni ekewe Allükün lamalam pwe ewe Kraist epwe manau tori feilfeilachök. Pwota ka apasa, pwe Nöün Aramas epwe tekiatä? Iön ei, ewe Nöün Aramas?”

Johannes 3:14

“Usun Moses a atekiatä ewe serepenit seni piras lon ewe fanüapö, iei usun Nöün Aramas epwe tekiatä,

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 7:56

Iwe, a üra, “Nengeni, üa küna pwe läng a suk o Nöün Aramas a ütä lepelifichin Kot!”