Mateus 15:9 - Chuukese Bible

⁹ A lomotmwäl ar fel ngeniei, pun ra aiti ngeni aramas förien aramas allük usun itä nge ai kewe allük!’”

Mateus 15:9 Iomraidhean Croise

Kölfel 39:6

Ellet, aramas ra usun chök ngünüen mettoch. Meinisin mine ra anganga esap wor lomotan. Aramas ra achukuchukätä wöür, nge resap silei iö epwe angei me mürin.

Kölfel 73:13

Ellet a solap pwe üa tümwünü lelukei pwe epwe limöch, a solap ai üsap tipis.

Ekistos 20:7

Kosap föüniwäli itei ngang ewe Samol mi Lapalap om Kot. Pun ngang ewe Samol mi Lapalap üpwe ngeni iteiten eman me eman chappen tipisin an föünimwäli itei.

Aisea 29:13

Iwe, ewe Samol a apasa, “Ekei aramas ra kan ngeniei ren kapasen awer chök, ra pwal asamoluei ren tinawer chök, nge leluker a fokun toau seniei. Ar fel ngeniei a chök fis ren allük me örünien aramas.

Lifitikos 26:16

iei usun mine üpwe föri ngenikemi: Üpwe awarakaieto womi niuokus watte, fius me pwichikar mi atopwala mesemi o akisikisala pöchökülen inisimi. Iwe, epwe solap ämi fofot, pun chon oputakemi repwe eni uän fotämi.

Lifitikos 26:20

Epwe solapmwälila ämi pöchökül le angang ngeni ewe pwül, pun irän fanüemi resap mämäritä, resap pwal ua.

Malakai 3:14

Ren ämi apasa, ‘A lomotongau ach angang ngeni Kot. Met lomoten ach apwönüetä an kewe allük ika ach pwärätä ach letipeta ren mine sa föri me mwen ewe Samol mi Unusen Manaman?

Mateus 15:10

Mürin Jesus a körato ewe mwichen aramas o üreniir, “Oupwe aüselingaei, pwe oupwe wewela!

Markus 7:7

A lomotongau ar fel ngeniei, pun ra aiti ngeni aramas förien aramas allük, usun itä nge ai kewe allük.’

1. Korint 15:2

Iei ewe Pworausen Manau oua küna manau ren are oupwe kamwöchünük won. Nge are ousap kamwöchünük won, ämi lükü a lomotongau.

Tuteronomi 12:32

Iwe, oupwe tümwünüöchü le föri meinisin mine üa allük ngenikemi. Ousap apacha och ngeni ika angei och seni.

1. Timoty 1:4

Kopwe üreniir, pwe resap asolapala ar fansoun le apworausa ekewe tutulap me tettelin uruwon ekewe lewo, pun ra chök afisätä anini, nge resap apwönüetä än Kot akot fän itach, ewe sia silei ren ach lükü.

Titus 1:14

nge resap chüen aüseling ngeni än ekewe chon Juta tutulap, pwal ngeni ekewe allük mi pop seni ekewe aramas mi likitala ewe let.

Ipru 13:9

Ousap mwüt ngeni sokopaten afalafal mi mwäl repwe atokakemi seni ewe al mi pwüng. A fokun mürina ngenikemi pwe letipemi epwe pöchökül ren än Kot ümöümöch, nge sap ren ämi aleasochisi ekewe allük usun mongö. Chokewe mi aleasochisi ekei allük resap angei ar feiöch seniir.

James 2:20

Ka umwes! Ifa usun, ka mochen än eman epwe alletätä ngonuk, pwe lükülük ese fiti föför a mä?

Pwärätä 22:18

Ngang Johannes, üa fönöü meinisin mi rongorong ekei kapasen osuni mi mak lon ei puk: Are eman epwe apacha och ngeni ekei kapas, Kot epwe apacha ngeni ekewe feiengau mi mak lon ei puk.

1. Samuel 25:21

Nge Tafit a apasa me mwan, “Ellet, a fokun solap ai tümwünü mine än ewe mwän lon ewe fanüapö pwe esap pöütüla och mine an. Nge i a liwini ai öch ngeni ngau.