Mateus 15:8 - Chuukese Bible

⁸ ‘Kot a apasa: Ekei aramas ra asamoluei ren ar kapas, nge leluker a wesewesen toau seniei.

Mateus 15:8 Iomraidhean Croise

Än Salomon Fos 23:26

Nei, kopwe fokun aüselingaei o apirüei lon ai föför.

Aisea 29:13

Iwe, ewe Samol a apasa, “Ekei aramas ra kan ngeniei ren kapasen awer chök, ra pwal asamoluei ren tinawer chök, nge leluker a fokun toau seniei. Ar fel ngeniei a chök fis ren allük me örünien aramas.

Jeremaia 12:2

Ka fotukiretiu, iwe, a tö warer. Ra mämäritä o ua. Ra föüni itom lon awer, nge leluker a toau senuk.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Mateus 15:7

Ämi chon likatuputup! A fokun pwüng mine Aisea a fen osuni usumi!

Markus 7:6

Iwe, Jesus a pölüeniir, “A fokun pwüng mine Aisea a fen osuni usumi. Ämi oua chon likatuputup usun a fen mak: ‘Kot a apasa: Ekei aramas ra asamoluei ren kapas chök, nge leluker a fokun toau seniei.

Johannes 1:47

Lupwen Jesus a küna pwe Nataniel a feito ren, iwe, a apasa usun, “Iei i eman wesewesen re Israel, esap wor och mine a mwäl won.”

Johannes 5:23

pwe aramas meinisin repwe asamolu ewe Nau usun chök ar asamolu ewe Sam. Iö esap asamolu ewe Nau, esap pwal asamolu ewe Sam a tinato i.

Föför 8:21

Esap wor wisom are kinikinum lon ei angang, pun lelukom esap pwüng mwen mesen Kot.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.

1. Petrus 3:10

Pun iei usun a mak lon ekewe Toropwe mi Pin, “Iö a mochen an epwe pwapwaiti manau o küna feiöch lon manauan, esap fokun chüen apasa kapas mi ngau, nge epwe ükütiu le kapas chofona.