Mateus 15:3 - Chuukese Bible

³ Jesus a pölüeniir, “Nge pwota ämi oua aleasolap ngeni än Kot kewe allük o aleasochis ngeni mine ämi kewe lewo ra aiti ngenikemi?

Mateus 15:3 Iomraidhean Croise

Mateus 15:2

“Pwota noumw kewe chon kaiö ra aleasolap ngeni ekewe kapasen kait seni ach kewe lewo? Pun resap talü pöür lon pwüngün allük mwen ar mongö.”

Mateus 15:4

Pun Kot a apasa, ‘Kopwe asamolu semom me inom’, a pwal apasa, ‘Iö a otteki saman me inan epwe fokun ninnila.’

Markus 7:13

Ren ei sokun kait oua aiti ngeni aramas oua aücheangauei än Kot kapas. A pwal wor chomong mettoch oua föri usun ei.”

Kolose 2:23

Ewer, ekei sokun allük usun itä nge mi longolong won tipachem. Ra ariani aramas ngeni sokun angangen fel, ra atekisonamwäliiretiu o ra föri pwe aramas repwe püsin ariaföüü inisiir. Nge ekei allük esap fokun wor lomoter ngeni än eman epwe nemeni mocheniangauen inisin.

Kolose 2:8

Oupwe tümwünükemi, pwe esap wor eman epwe liapenikemi ren atuputupun tipachemen fanüfan mi aücheangau, a pop seni sokopaten uruwon lom aramas ra aiti ngeni aramas, pwal seni ekewe ngün mi wor ar nemenem fän läng, nge esap pop seni Kraist.

Titus 1:14

nge resap chüen aüseling ngeni än ekewe chon Juta tutulap, pwal ngeni ekewe allük mi pop seni ekewe aramas mi likitala ewe let.