Mateus 15:11 - Chuukese Bible

¹¹ Esap wor och mine a tolong lon awen eman aramas a tongeni alimengaua, nge met mi towu seni lon awen eman aramas, ina mine a alimengaua.”

Mateus 15:11 Iomraidhean Croise

Kölfel 10:7

An kapas a uren ottek, atuputup me eniweniw, a müttir le apasawu kapasen oput me kapas mi ngau.

Kölfel 12:2

Iteiten eman me eman a chofana ngeni chon arun. Ra chök eäni kapas atuputup lefiler.

Aisea 37:23

Iö ka urumwotei o turunufasei? Iö ka eäni kapas osomong ngeni? Nge iö ka newenewen ngeni fän lamalamtekia? Ka chök föri ei ngeniei ngang Ewe mi Pin lon Israel.

Mateus 15:10

Mürin Jesus a körato ewe mwichen aramas o üreniir, “Oupwe aüselingaei, pwe oupwe wewela!

Mateus 15:12

Mürin ekewe chon kaiö ra feito ren Jesus o üreni, “Ka silei pwe ekewe Farisi ra chou ren mine ka apasa?”

Markus 7:15

Esap wor och mine a tolong lon awen eman aramas seni me lükün a tongeni alimengaua. Nge met mi towu seni lon awen eman aramas, ina mine a alimengaua.

Nöün Paulus Toropwe ngeni ekewe Souläng lon Rom 14:14

Pokiten ai nonom lon ach Samol Jesus üa wesewesen lükü pwe esap wor och mongö mi pin ngeniei. Nge are eman aramas a lükü pwe ekoch mongö ra pin ngeni, mürin ewe mongö a pin ngeni.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Nöün Paulus Toropwe ngeni ekewe Souläng lon Rom 14:20

Ousap atala än Kot we angang pokiten mongö. Ekewe mongö meinisin oua tongeni mongö, nge esap pwüng än eman epwe mongö och mine epwe afisätä än eman epwe turutiu lon tipis ren.

1. Timoty 4:3

Ekei sokun aramas ra afalafala pwe a ngau pwüpwülü, ra pwal apini ekoch sokun mongö. Nge Kot a awora ekei sokun mongö pwe sipwe mongö. Iwe, kich mi lükü o silei ewe let sipwe eni ewe mongö fän ach iotekin kilisou.

Titus 1:15

Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.

Ipru 13:9

Ousap mwüt ngeni sokopaten afalafal mi mwäl repwe atokakemi seni ewe al mi pwüng. A fokun mürina ngenikemi pwe letipemi epwe pöchökül ren än Kot ümöümöch, nge sap ren ämi aleasochisi ekewe allük usun mongö. Chokewe mi aleasochisi ekei allük resap angei ar feiöch seniir.

2. Petrus 2:18

Ra lamalamtekia lon ar apasatä kapas mi pön o aea sokun mochenian fituk mi ngau le atupu chokewe mi kärän sü seni ekewe aramas mi manaueni ei manau mi mwäl.