Mateus 15:10 - Chuukese Bible

¹⁰ Mürin Jesus a körato ewe mwichen aramas o üreniir, “Oupwe aüselingaei, pwe oupwe wewela!

Mateus 15:10 Iomraidhean Croise

1. King 22:28

Nge Mikaia a üra, “Are ka liwinto fän kinamwe, ewe Samol mi Lapalap esap kapas me rei.” A pwal apasa, “Oupwe aüselinga ai kei kapas, ämi aramas meinisin.”

Aisea 55:3

Oupwe aü selingemi o feito rei. Oupwe rongorong pwe ngünümi epwe manau. Iwe, ngang üpwe föri eu pwon esemüch ngenikemi o apwönüetä ai ümöümöch me tong usun üa fen pwon ngeni Tafit.

Aisea 6:9

Iwe, Kot a üreniei, “Kopwe feila o aronga ngeni ekei aramas, ‘Oupwe aü selingemi o rongorong, nge ousap wewe ren. Oupwe nenengeni, nge ousap küna och.’

Mateus 13:19

Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Mateus 15:11

Esap wor och mine a tolong lon awen eman aramas a tongeni alimengaua, nge met mi towu seni lon awen eman aramas, ina mine a alimengaua.”

Mateus 15:9

A lomotmwäl ar fel ngeniei, pun ra aiti ngeni aramas förien aramas allük usun itä nge ai kewe allük!’”

Mateus 24:15

“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Lukas 24:45

Mürin a suki letiper, pwe repwe tongeni weweiti masouen ekewe Toropwe mi Pin.

Efisos 1:17

o tüngor ngeni än ach we Samol Jesus Kraist we Kot, i Samach we mi ling, pwe epwe ngenikemi ewe Ngünmifel. I ewe mi atipachemakemi o asile ngenikemi usun Kot, pwe epwe lapala ämi silei i.

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.