Mateus 14:9 - Chuukese Bible

⁹ Iwe, ewe king a lolilen, nge pokiten ewe pwon fän akapel a föri mwen mesen nöün kewe chon kökköto meinisin mi eti le mongö, a allük pwe än ewe föpwül tüngor epwe pwönüetä.

Mateus 14:9 Iomraidhean Croise

Än Salomon Afalafal 5:2

Kosap awakai, kosap pwal mwökütükai lon lelukom pwe kopwe müttir le fos fän mesen Kot, pun Kot a nom won läng, nge en ka nom won fanüfan. Iei mine kosap achomonga om kapas.

Jeremaia 44:25

Iei alon ewe Samol mi Unusen Manaman, ewe Koten Israel: Ämi me pwülüemi kewe oua pwärätä ren ämi föför mine oua pwon, lupwen oua apasa, ‘Äm aipwe fokun apwönüetä äm we pwon pwe aipwe keni apach mi pwokus ngeni ewe kiwinen läng o ninätiu ngeni asoren ün.’ Iei oupwe föri o apwönüetä mine oua pwon.

Mateus 14:1

Lon ena fansoun Herotes ewe samolun Kalilea a rong usun Jesus.

Mateus 14:10

Iei mine a tinala eman pwe epwe pöküela üen Johannes me lon imwen fötek.

Mateus 14:5

Herotes a ekiekin niela Johannes, nge a niuokusiti ekewe chon Juta, pun ra ekieki pwe Johannes eman soufos.

Mateus 14:8

Fän än ewe in kapasen öüröür ngeni nöün we föpwül, a tüngor ngeni Herotes, “Kopwe ngeniei iei chök möküren Johannes Soupapatais lon eu sepi!”

Markus 6:14

Iwe, ewe king Herotes a rong usun pworausen Jesus, pwe itan a föüla ekis meinisin. Ekoch aramas ra apasa, “Johannes Soupapatais a manausefäl seni mäla. Iei popun a wor an tufich le föri ekewe manaman.”

Markus 6:20

Iwe, Herotes a meniniti Johannes, pun a silei pwe i eman mwän mi pwüng o pin, iei mine a tümwünü, pwe esap tori feiengau. Herotes a sani an epwe rongorong ngeni än Johannes afalafal, inamwo ika a tolong lon watten osukosuk, lupwen a rongorong ngeni.

Markus 6:26

Iwe, ewe king a fokun letipeta ren ei tüngor. Nge pokiten an pwon fän akapel pwal pokiten chokewe mi eti le mongö a tipeeu ngeni an we tüngor.

Lukas 13:32

Jesus a pölüeniir, “Oupwe feila o üreni ena foks, ‘Ngang üa asüela anün rochopwak o apöchöküla aramas ikenai me lesor, nge lon ewe aülüngatin rän üpwe awesala ai we angang.’

Soukapwüng 11:39

Mürin ekewe ruu maram ewe föpwül a liwiniti saman, nge i a föri ngeni usun mine a eäni pwon ngeni ewe Samol mi Lapalap. Iwe, ewe föpwül a mäla nge esap fokun tori eman mwän. Ren ei a fis eu örüni lon Israel,

Soukapwüng 21:1

Iwe, lupwen ekewe re Israel ra nom Mispa, ra pwon fän akapel pwe esap wor eman me leir epwe apwüpwülüa nöün föpwül ngeni eman re Peniamin.

1. Samuel 14:24

Iwe, ekewe re Israel ra weires lon ewe ränin, pun Saul a eäni eu pwon fän akapel ngeni ekewe aramas o apasa, “Epwe anümamau ewe mwän mi mongö och me mwen lekuniol tori üpwe ngeni ekewe chon oputaei chappen ar föför.” Iei mine ekewe sounfiu resap neni och mongö.

1. Samuel 14:28

Mürin, eman lein ekewe sounfiu a üreni, “Semom a fokun allük fän akapel ngenikem pwe eman mi mongö och ikenai epwe anümamau. Ina popun äm aia aiengauen echik.”

1. Samuel 25:22

Kot epwe nieila, are üsap niela nöün Napal kewe mwän meinisin me mwen lesosor.”

1. Samuel 28:10

Nge Saul a pwon fän akapel iten ewe Samol mi Lapalap ngeni ewe fefin, “Mwo manauen ewe Samol mi Lapalap, esap wor feiengau epwe toruk ren ei föför.”