Mateus 13:6 - Chuukese Bible

⁶ Iwe, lupwen akkar a tötä, pwichikaran a pwichiti ekewe kükün irä. Nge pokiten esap wor warer, ra müttir pwasala.

Mateus 13:6 Iomraidhean Croise

Aisea 49:10

Resap echik are kaka, nge pwichikaren lon fanüapö me akkar resap pwichitiir, pun ätewe mi tongeer epwe emwenirela ngeni puächen koluk.

Mateus 13:21

Pokiten ewe kapas esap warar lon manauer, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Mateus 13:5

Ekoch föün ra mworotiu won lenien föüföü ia esap watte pwül ie. Ekewe föün ra pwükükai, pun resap pwük lon pwül mi malül.

Mateus 13:7

Pwal ekoch föün ra mworotiu lein iräfölüföl. Iwe, ekewe iräfölüföl ra mämäritä o amopu ekewe irä.

Markus 4:6

Nge lupwen akkar a tötä, pwichikaran a apwichi ekewe kükün irä. Pokiten esap wor warer, ra müttir pwasala.

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Efisos 3:17

Üa iotek pwe Kraist epwe nonom lon lelukemi ren ämi lükü i. Üa pwal iotek pwe oupwe warar o longolong won chen,

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 2:7

Oupwe warar lon i usun efoch irä mi warar, oupwe fefeitä lon manauemi o pöpöchökülela lon ämi lükü Kraist usun oua fen kaiö. Iwe, oupwe fokun pwärätä ämi kilisou.

Pwärätä 7:16

Resap chüen echik ika kaka, akkar esap chüen pwichitiir, nge och pwichikar esap toriir.