Mateus 13:57 - Chuukese Bible

⁵⁷ Iei mine resap etiwa. Iwe, Jesus a üreniir, “Eman soufos a wor meninin ekis meinisin, nge esap wor meninin lon poputän telinimwan pwal lon püsin an famili.”

Mateus 13:57 Iomraidhean Croise

Aisea 49:7

Iwe, ewe Samol mi Lapalap ewe Chon Amanau, Ewe mi Pin lon Israel, a üreni ätewe a fokun küna itengau o koput me ren chon ekewe mwün fanüfan, ätewe mi angang ngeni ekewe chon nemenem, “King kana repwe ütä o asamoluk, lupwen repwe künok, nge samol kana repwe chapetiu mwom.” Ei epwe fis pokiten ewe Samol mi Lapalap a afili nöün chon angang. Ewe mi Pin lon Israel a apwönüetä an kewe pwon.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Aisea 8:14

Iwe, üpwe wiliti eu leni mi pin fän iten chokewe ra niueitiei o lüküei. Nge üpwe wewe ngeni eföü föün chepetek me eu achauen opup fän iten ekewe mwün Israel me Juta, pwal eu sär chon Jerusalem repwe tup lon.

Mateus 11:6

Ra feiöch chokewe resap tipemwaramwar rei.”

Mateus 13:58

Pokiten esap wor ar lükülük, Jesus esap föri chomong manaman ikenan.

Markus 6:1

Iwe, Jesus a feila seni ewe leni o liwinsefäliti poputän telinimwan, nge nöün kewe chon kaiö ra etala.

Markus 6:14

Iwe, ewe king Herotes a rong usun pworausen Jesus, pwe itan a föüla ekis meinisin. Ekoch aramas ra apasa, “Johannes Soupapatais a manausefäl seni mäla. Iei popun a wor an tufich le föri ekewe manaman.”

Markus 6:3

Ifa usun, sap ätei ewe chon kaü imw nöün Maria, pwiin James, Josef, Jutas me Simeon? Ifa usun fefinan kewe resap nom rech?” Iei mine resap etiwa.

Markus 6:4

Iwe, Jesus a üreniir, “Eman soufos a wor meninin ekis meinisin, nge esap wor meninin lon poputän telinimwan, me ren aramasan me an famili.”

Lukas 4:24

Iwe, a sopwela le kapas ngeniir, “Enlet eman soufos esap wor meninin me lon poputän telinimwan.

Lukas 7:23

Ra feiöch chokewe resap tipemwaramwar rei.”

Johannes 4:44

Pun püsin Jesus a apasa, “Eman soufos esap wor meninin me lon püsin fanüan.”

Johannes 6:42

Iwe, ra apasa, “Ifa usun, sap ätei Jesus nöün Josef we mwän? Sia silei saman me inan. Pwota a tongeni apasa pwe i a feitiu seni läng?”

Johannes 6:61

Jesus esap rong seni eman mine ra kakapas won, nge a püsin silei pwe ra ngününgün usun an kewe kapas. Iei mine a üreniir, “Ifa usun, oua mochen likitala ämi lükülük ren ekei kapas?