Mateus 13:44 - Chuukese Bible

⁴⁴ “Ewe Mwün Läng a pwal wewe ngeni eu pisek aüchea mi ireirela. A fis pwe eman aramas a küna o iresefäliela. Iwe, seni watten an pwapwa a feila o amömöla meinisin mine a eäni, mürin a liwinsefälila o möni ewe leni.

Mateus 13:44 Iomraidhean Croise

Hiop 28:13

Aramas resap silei aüchean tipachem, esap wor eman a tongeni küna me lon fanüen ekewe mi manau.

Än Salomon Fos 16:16

Ach sipwe eäni tipachem a mürina seni ach eäni kolt, nge ach eäni silelap a mürina seni ach eäni silifer.

Än Salomon Fos 17:16

Met lomoten an epwe wor moni lepöün eman chon tiparoch? Ifa usun epwe tongeni möni tipachem, nge esap wor an mirit?

Än Salomon Fos 18:1

Eman mi püsin imwüla a chök kütta an mochen, a ü ngeni meinisin mine aramas ra ekieki pwe a pwüng.

Än Salomon Fos 23:23

Kopwe kamö let, nge kosap amömöla. Kopwe kamö tipachem, kapasen öüröür me weweöch.

Aisea 55:1

Ewe Samol mi Lapalap a apasa, “Ou etto, ämi meinisin mi kaka, oupwe feito o ün seni ewe koluk. Ämi mi wöüngauen moni, oupwe feito o angei enemi. Oupwe feito o angei ünümemi wain me milik, nge ousap möni.

Mateus 13:24

Iwe, Jesus a apworausa ngeniir pwal eu pworausen awewe: “Mwün Läng a wewe ngeni eman mwän a amworafeili pwükil mi mürina lon an tanipi.

Mateus 13:46

Lupwen a küna eföü mi fokun unusen mürina, a feila o amömöla meinisin mine a eäni o möni ewe föün pwei.

Mateus 13:47

“Mwün Läng a pwal wewe ngeni eu chew ekewe chon attau ra aturätiu leset pwe repwe liapeni sokopaten ik.

Mateus 19:21

Jesus a pölüeni, “Are ka mochen unusen föföröch, kopwe feila o amömöla meinisin mine ka eäni, nge ewe moni kopwe fang ngeni ekewe chon wöüngau pwe epwe wor woumw lon läng. Mürin kopwe feito o tapweto müri.”

Mateus 19:27

Mürin Petrus a üra, “Nengeni, äm aia likitala meinisin o tapwela mürum. Iwe, met liwin aipwe angei?”

Mateus 19:29

Iwe, iteiten eman me eman mi likitala imwan, ika pwiin, ika fefinan, ika saman, ika inan, ika nöün, ika fanüan fän itei epwe angei liwinin fän ipükü lap seni, epwe pwal angei manau esemüch.

Mateus 6:21

Pun ia wöümi a nom ie, ikenan lelukemi epwe pwal nom ie.

Lukas 14:33

Ina chök usun, esap wor eman a tongeni nei chon kaiö are esap pölükü meinisin mine a eäni.

Johannes 6:35

Mürin Jesus a üreniir, “Ngang ewe mongön manau. Iö a feito rei esap fokun chüen echik, nge iö a lüküei esap fokun chüen kaka.

Nöün Paulus Toropwe ngeni ekewe Souläng lon Rom 15:4

Pun meinisin mine a mak lon ekewe Toropwe mi Pin a mak fän iten ach sipwe kaiö seni, pwe epwe wor ach apilükülüköch ren ach likitü pwal ren ach küna pöchökülen letipach mi torikich seni ekewe Toropwe mi Pin.

Kolose 2:3

Kraist i ewe mi tongeni pwärala wöün än Kot tipachem me silelap meinisin mi monomonola.

Kolose 3:16

Än Kraist kapas mi fokun aüchea epwe nonom lon letipemi. Oupwe aiti ngeni eman me eman lefilemi ei kapas o fönööfengenikemi fän mirit. Oupwe kölü ekewe kölfel, ekewe kölün lamalam me ekewe köl mi pin. Oupwe köl ngeni Kot fän kilisou lon letipemi.

Ipru 10:34

Oua tongäsini chokewe mi nom lon imwen fötek, nge lupwen ra angei pisekimi meinisin fän pöchökül, oua likiti ngeniir fän pwapwa, pun oua silei pwe oua chüen eäni och mi mürina seni, epwe nonomola tori feilfeilachök.

Pwärätä 3:18

Iei mine üpwe ürenuk mine kopwe föri: Kopwe kamö seniei kolt mi limelim ren ekkei, pwe kopwe pisekisekila. Kopwe pwal kamö üf mi pwechepwech, pwe kopwe üföüf o pwölüela asäwen om selela. Kopwe pwal kamö säfeen mas, pwe kopwe säfeeni mesom pwe kopwe tongeni küna mwomw.