Mateus 13:42 - Chuukese Bible

⁴² Repwe atururelong lon ewe lenien ekkei ia repwe pupuchör o akarüngi ie.

Mateus 13:42 Iomraidhean Croise

2. Samuel 23:7

Nge are eman aramas a ionifengeniir, a aea mächä ika ilon efoch siles, mürin ra kekkila.”

Kölfel 21:9

Lupwen epwe wareto, epwe aroserela usun eu ekkei a kenala mettoch. Ewe Samol mi Lapalap epwe ärirela lon an lingeringer, nge ekkei epwe fisirela.

Taniel 3:6

Nge iö esap chapetiu o fel ngeni, epwe koturulong lon ewe lenien ekkei mi fokun sarara lon ewe chök otun.”

Mateus 13:50

Repwe aturalong ekewe aramasangau lon ewe lenien ekkei ia repwe pupuchör o akarüngi ie.”

Mateus 22:13

Mürin ewe king a üreni ekewe chon angang, ‘Oupwe föti pöün me pechen ei mwän o aturawu lon rochopwaken lükün. Ikenan epwe pupuchör o akarüngi.’”

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Mateus 8:12

Nge chokewe itä ürürün repwe nom lon ewe Mwün Kot repwe koturuwu lon ewe lenien rochopwak ia repwe pupuchör o akarüngi ie.”

Lukas 13:28

Iwe, oupwe fokun puchör o akarüngi ikenan, lupwen oupwe küna Apraham me Isaak me Jakop me ekewe soufos meinisin lon Mwün Kot, nge püsin ämi oupwe kösüla lükün.

Pwärätä 14:10

epwe ün seni än Kot we wain, ewe wainen an lingeringer. Iei ewe wain mi pöchökül Kot a ninalong lon an we kapen song! Iwe, chokewe meinisin mi eäni ewe asisil repwe fokun riaföü lon ekkei me primston me mwen ekewe chon läng mi pin me ewe Lam.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Pwärätä 9:2

Lupwen ewe fü a suki ewe pwang mi alolol, ötüöt a ötütä seni lon, usun ötüötün eu um mi watte. Akkar me enienin asepwäl ra rochola ren ewe ötüöt seni lon ewe pwang mi alolol.