Mateus 13:3 - Chuukese Bible

³ Iwe, Jesus a kapas ngeniir usun chomong mettoch lon pworausen awewe o apasa, “Eman aramas a feila pwe epwe amworafeili pwükil.

Mateus 13:3 Iomraidhean Croise

Kölfel 49:4

Üpwe aü selingei ngeni eu kapasen amirit, üpwe awewei ai asisil, lupwen üa ettiki nei ükülele.

Kölfel 78:2

Üpwe apasatä eu kapasen awewe. Üpwe apasawu kapas monomon mi fis me lom,

Isikiel 17:2

“Nöün aramas, kopwe eäni eu kapas monomon ngeni ekewe chon Israel o apworausa ngeniir eu pworausen awewe.

Isikiel 20:49

Nge üa apasa, “Ai Kot Samol mi Lapalap, kosap awisa ngeniei ei angang. Aramas ra fen apasa usi, pwe üa chök fos ngeniir lon pworausen awewe.”

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Apakuk 2:6

Iwe, ekewe chon kuf repwe chietä echö kölün ämängau, repwe turunufasei ewe chon akufuur o apasa, “Feiengauom, en mi achukuchukätä mine esap om o pisekisekila ren om eriani seni chon liwinimang mine ra liwinimang ngonuk. Ifa ükükün fansoun än ei lapalap epwe fis?”

Mateus 13:4

Nge lupwen a amworafeili ekewe pwükil, ekoch föün ra mworotiu lepekin al. Iwe, ekewe mansüsü ra feito o eniir.

Mateus 13:53

Iwe, lupwen Jesus a wes le apworausa ekei pworausen awewe, a feila seni ewe leni

Mateus 22:1

Iwe, Jesus a pwal kapas ngeni ekewe aramas lon pworausen awewe o üreniir,

Mateus 24:32

“Oupwe kaiö eu lessen seni ewe irä fiik. Lupwen palan kana ra anüen fetil o popuetä le pwüküwu chön, oua silei pwe a arap fansoun räs.

Markus 12:1

Mürin Jesus a kapas ngeniir lon pworausen awewe: “A wor eman mwän a fotuki eu tanipin wain. A föri eu tit ünükün, a tuw eu pwang fän iten ewe lenien üchüch föün wain o aüetä eu imwen mamas mi tekia lon. Mürin a awisa ekoch chon mälämäl, pwe repwe tümwünü an tanipin wain. Iwe, a saila toau.

Markus 12:12

Iwe, ekewe souemwenin Juta ra sotuni ar repwe fötekini Jesus, pun ra silei pwe a afalafala ei pworausen awewe usur. Nge ra niuokusiti ewe mwicheichen aramas, iei mine ra likitala o feila seni.

Markus 3:23

Iei mine Jesus a körato ekewe aramas o a kapas ngeniir lon pworausen awewe, “Ifa usun, Satan epwe tongeni asüela Satan?

Markus 4:13

Mürin Jesus a aisiniir, “Ifa usun, ousap weweiti ei pworausen awewe? Ifa usun, ämi oupwe tongeni weweiti och pworausen awewe me mürin?

Markus 4:33

Iwe, Jesus a afalafala ewe kapasen Kot ngeni ekewe aramas o eäni chomong sokun pworausen awewe usun ekei. A pworaus ngeniir lon ükükün met ra tongeni weweiti.

Lukas 12:41

Iwe, Petrus a aisini, “Ai Samol, ei pworausen awewe ka apworausa fän item ika fän iten aramas meinisin?”

Lukas 8:10

Jesus a pölüeni, “Kot a fen mwüt ngenikemi pwe oupwe silei ewe pworaus usun ekewe monomonen Mwün Kot, nge ren ekewe ekoch aramas a toriir lon pworausen awewe, pun repwe nenengeni, nge resap küna och, repwe pwal rongorong, nge resap wewe ren.

Johannes 16:25

“Iwe, üa fen kapas ngenikemi usun ekei mettoch lon kapas monomon. Nge epwe war ewe fansoun lupwen üsap chüen kapas ngenikemi lon kapas monomon, nge üpwe kapas ngenikemi usun Semei lon kapas mi fat.