Mateus 13:22 - Chuukese Bible

²² Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 13:22 Iomraidhean Croise

Kölfel 52:7

“Nengeni, iei i ewe mwän esap mochen eäni Kot apilükülük, nge a apilükülükü wöün mi somwola o pöchökülela lon an föföringau.”

Kölfel 62:10

Ousap anomu ämi apilükülük won pisek oua angemwäli fän pöchökül, ousap pwal eäni apilükülük pisek oua soläni. Inamwo ika oua pisekisekila, ousap apilükülükü.

Än Salomon Fos 11:28

Aramas mi apilükülükü püsin wöür repwe turula usun chök chön irä ra turutiu mürin leres, nge ekewe chon pwüng repwe manauöch usun chök chön irä mi arauarau.

Än Salomon Fos 23:5

Lupwen ka kärän nengeni woumw, ese chüen nom. Pun a müttir sü usun chök a angei pöükässin o ässitä läng usun eman ikel.

Än Salomon Afalafal 4:8

Eman aramas mi alemanüla, esap wor nöün ika pwiin, nge esap müchüla an angang weires. Iwe, esap menemenöch ren wöün. Esap ais, “Fän iten iö üa angang weires o epeti pwapwa seni manauei?” Pwal ei pön chök o angang solap.

Jeremaia 4:3

Pun iei alon ewe Samol mi Lapalap ngeni ekewe chon Juta me chon Jerusalem, “Oupwe tuw ewe pwül esamwo tu, nge ousap amworafeili ekewe pwükil lein iräfölüföl.

Mateus 12:32

Iö a apasa och kapasen ü ngeni Nöün Aramas a tongeni musala. Nge iö a apasa och kapasen ü ngeni Ngünmifel esap fokun musala lon ei fansoun ikenai tori feilfeilachök.

Mateus 13:39

nge ewe chon oput mi amworafeili ewe pötöwölingau, iei i Tefil. Ewe fansoun kinikinin räs, iei ewe fansoun lesopolan, nge ekewe chon angangen räs, ir ekewe chon läng.

Mateus 13:40

Usun ekewe pötöwölingau ra ioifengen o kekkila lon ekkei, iei usun mine epwe fis lesopolan fansoun fanüfan.

Mateus 13:7

Pwal ekoch föün ra mworotiu lein iräfölüföl. Iwe, ekewe iräfölüföl ra mämäritä o amopu ekewe irä.

Lukas 12:15

Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 12:21

Iei usun mine epwe fis ngeni chokewe ra iseis mettochur fän püsin iter, nge resap wöü me ren Kot.”

Lukas 21:34

“Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

Föför 8:18

Iwe, lupwen Simon a küna pwe Ngünmifel a tori chokewe ekewe soukünö ra iseis pöür wor, a mochen ngeni Petrus me Johannes moni

Nöün Paulus Toropwe ngeni ekewe Souläng lon Rom 12:2

Ousap apirü pomwen fanüfan, nge oupwe mwüt ngeni Kot pwe epwe awilikemi o asöföla unusen letipemi. Mürin oupwe tongeni silei letipen Kot, ren met mi mürina me unusöch, pwal met mi apwapwai i.

1. Korint 1:20

Iwe, ifa i ewe soutipachem? Ifa i ewe souekiek? Ifa i ewe mi silelap le anini lon kapasen ei fanüfan? Ifa usun, Kot esap pwärätä pwe tipachemen ei fanüfan mi chök umwes?

1. Korint 2:6

Nge sia aronga eu kapasen tipachem ngeni chokewe mi mirit lon ar souläng. Esap ewe sokun tipachem mi pop seni ei fanüfan ika seni ekewe chon nemenem lon ei fanüfan, ar nemenem epwe wesila.

1. Korint 2:8

Esap wor eman sounemenemen ei fanüfan a silei ei tipachem, pun ika repwe silei, resap iräpengesi ewe Samol mi ling.

1. Korint 3:18

Ousap püsin atupukemi. Are eman leimi a ekieki pwe a tipachem ren tipachemen ei fanüfan, i epwe wiliti eman aramas mi umwes fän iten an epwe wesewesen eman aramas mi tipachem.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

Kalatia 1:4

Kraist a fangala manauan fänäsengesin ach tipis kana ren an aleasochisi letipen ach Kot i Samach pwe epwe angasakich seni ei fansoun mi ngau.

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

2. Timoty 4:10

Pun Temas a echeni ei fanüfanen ikenai, a likitiei o feila Tesalonika. Kresens a feila Kalatia o Titus a feila Talmatia.