Mateus 13:2 - Chuukese Bible

² Nge eu mwichen aramas mi chomong a mwicheto ren, iei mine a tötä won efoch wa o mot won. Nge ekewe aramas meinisin ra ütä lepi.

Mateus 13:2 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Mateus 15:30

Eu mwichen aramas mi chomong a feito ren, ra uweato ekewe mi pechemä, ekewe mi chun, ekewe mi ter, ekewe mi awemwöch, pwal chomong sokun aramas mi samau o anomuur arun pechen Jesus. Iwe, a apöchöküleeretä meinisin.

Mateus 4:25

Eu mwichen aramas mi chomong ra tapwela mürin Jesus seni Kalilea me ewe fanü itan Engol Telinimw, seni Jerusalem me Jutea me ewe fanü ünükün ewe chanpupu Jortan me ewe epek.

Markus 4:1

Iwe, Jesus a popuetasefäli an afalafal arun ewe nomun Kalilea. Iwe, eu mwichen aramas mi chomong ra mwicheto ren, pwe i a tötä won efoch wa o mot won. Ewe wa a ekis kinewu lon ewe noom, nge ekewe aramas meinisin ra nom le pi.

Lukas 5:3

Iwe, Jesus a tötä won efoch kewe wa, wään Simon o tüngor ngeni pwe epwe ekis sikawu seni le pi. Nge Jesus a mottiu won o afalafala ewe mwichen aramas.