Mateus 13:19 - Chuukese Bible

¹⁹ Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Mateus 13:19 Iomraidhean Croise

Än Salomon Fos 1:7

Ach niuokusiti ewe Samol mi Lapalap iei popun silelap. Nge ekewe chon tiparoch ra oput tipachem me ekewe kapasen öüröür.

Än Salomon Fos 17:16

Met lomoten an epwe wor moni lepöün eman chon tiparoch? Ifa usun epwe tongeni möni tipachem, nge esap wor an mirit?

Isikiel 31:18

Meni lein ekewe irän Eten ka wewe ngeni lon lingom me om itetekia? Nge pwal en kopwe eti ekewe irän Eten le turutiu leutun fanüfan, kopwe kon lein chokewe resap sirkomsais, pwal lein chokewe ra mäla lon maun. Iei usun mine epwe fis ngeni Farao me nöün mwicheichen aramas,” iei alon Kot ewe Samol mi Lapalap.

Mateus 12:26

Iei mine are mwün Satan a kinikinfesen o fiufengen, mwün epwe müttir tala!

Mateus 13:20

Ekewe pwükil mi mworotiu lon lenien föüföü ra wewe ngeni chokewe mi etiwa ewe kapasen Kot fän pwapwa lon ewe chök otun ra rongorong.

Mateus 13:38

Ewe tanipi, iei fanüfan, ekewe pwükil mi mürina, ekewe aramas ir chon ewe Mwün Kot, ekewe pötöwölingau, ir ekewe aramas nöün ewe mi Ngau,

Mateus 4:23

Iwe, Jesus a fetalfeil lon unusen Kalilea, a aiti ngeni aramas kapasen Kot me lon ekewe imwen felikis, a afalafala ewe Pworaus Allim usun ewe Mwün Kot, a pwal apöchöküla aramas mi eäni sokopaten samau me apwangapwang.

Mateus 5:37

Kopwe chök apasa, ‘Ewer, ewer,’ ika ‘Apw, apw,’ pun mine a som seni a pop seni ewe mi Ngau.

Markus 4:15

Ekoch aramas ra wewe ngeni ekewe pwükil ra mworotiu lepekin al. Lupwen ra rongorong kapasen Kot, Satan a müttir feito o angei seni lon leluker ewe kapas.

Lukas 10:9

Oupwe apöchöküla ekewe chon samau lon ena telinimw o üreni ekewe aramas mi nom lon, ‘Mwün Kot a arapoto remi.’

Lukas 9:2

Mürin a tiniirela pwe repwe afalafala usun ewe Mwün Kot o apöchökülätä ekewe mi samau.

Johannes 18:38

Iwe, Pilatus a aisini, “Met ewe a let?” Mürin Pilatus a liwinsefäliwu lükün ren ekewe aramas o a üreniir, “Üsap küna och tipis ren ei mwän an epwe ninnila.

Johannes 8:43

Pwota ousap weweiti mine üa ürenikemi? Ina popun ämi ousap mochen rongorong ai kewe kapas.

Föför 17:32

Iwe, lupwen ekewe aramas ra rongorong pwe Paulus a afalafal usun manausefäl seni mäla, ekoch me leir ra takiri, nge pwal ekoch ra apasa, “Äm aia mochen rongorong om kopwe pwal kapassefäl usun ei mettoch.”

Föför 18:15

Nge pokiten iei och anini usun kapas me it me ämi allük, püsin ämi oupwe apwüngala. Ngang üsap mochen soukapwüng won ekei sokun mettoch.”

Föför 20:25

Ngang üa nomfeil leimi o afalafal usun ewe Mwün Kot. Nge iei üa silei, pwe üsap chüen künasefälikemi.

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Nöün Paulus Toropwe ngeni ekewe Souläng lon Rom 1:28

Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Nöün Paulus Toropwe ngeni ekewe Souläng lon Rom 2:8

Nge pwal ekoch ra chök kütta püsin feiöchür, ra oput mine a let o ra föri mine ese pwüng. Iwe, Kot epwe tinatiu an song me lingeringer wor.

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

2. Tesalonika 2:12

Iei mine chokewe meinisin resap lükü ewe kapas mi let, nge ra pwapwa le föri tipis, Kot epwe apwüngala pwe ra tipis.

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

1. Johannes 3:12

Sisap wewe ngeni Kain, i nöün Ewe mi Ngau, a püsin niela pwiin we Epel. Pwota Kain a niela pwiin we? Pun ekewe föför a föri ra ngau, nge än pwiin kewe föför ra pwüng.

1. Johannes 5:18

Sia silei pwe eman mi up seni Kot esap sopwela le föri tipis, pun ewe Nöün Kot a tümwünüöchü, pwe Ewe mi Ngau esap tongeni afeiengaua.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.