Mateus 13:15 - Chuukese Bible

¹⁵ Pun leluken ekei aramas a pöchökül, ra ükütiu le rongorong, ra amöürü meser. Pun are resap föri iei usun, repwe tongeni küna ren meser o rongorong ren selinger, letiper epwe wewe, repwe pwal kul ngeniei, pwe üpwe apöchöküleer. Iei alon Kot.’

Mateus 13:15 Iomraidhean Croise

Kölfel 119:70

Leluker esap wor memmef lon, nge ngang üa pwapwaäsini om allük.

Än Salomon Fos 16:30

Eman mi ächiki mesan a ekiekietä föför mi atuputup, nge eman mi emeni awan a föri mine a ngau.

Aisea 44:20

Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”

Aisea 57:18

Iwe, üa küna föförür meinisin, nge üpwe chök amanaueer. Üpwe emweniir o fokun achipeer. Üpwe pwal aururu ir mi letipeta o föri pwe repwe mwareitiei.

Aisea 6:10

Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.”

Jeremaia 17:14

Ai Samol mi Lapalap, kopwe apöchökülaei, pwe üpwe wesewesen pöchökül. Kopwe amanauaei pwe üpwe fokun manau, pun en ewe üa mwareiti.

Jeremaia 17:9

Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Jeremaia 3:22

Oupwe liwinto, ämi meinisin mi kul seni ewe Samol mi Lapalap, i epwe awesi ämi kirikiringau. Nge ämi oupwe apasa, “Ewer, äm aipwe liwinto ren ewe Samol mi Lapalap, pun i äm we Kot.

Jeremaia 33:6

Inamwo ai föri ei, nge üpwe apöchökülasefäli ei telinimw, üpwe pwal achikara ekewe aramas o ngeniir unusen kinamwe me nonomöch.

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Sekaraia 7:11

Nge ir resap mochen rongorong, ra kulu sökürür o pinei selinger pwe resap tongeni rongorong.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Markus 4:12

‘Iei usun repwe nenengeni me nenengeni, nge resap küna och, repwe rongorong me rongorong, nge resap wewe ren. Pun are repwe wewe ren, repwe kul ngeni Kot, nge i epwe amuserela.’”

Lukas 19:42

A apasa, “Amwo kopwe chök silei ikenai mine kopwe kinamwe ren. Nge iei a monola senuk.

Föför 28:27

Pun letipen ekei aramas a pöchökül. Ra ükütiu le rongorong o ra amöürü meser. Pun are resap föri iei usun, repwe tongeni küna ren meser o rongorong ren selinger, nge letiper repwe wewela, repwe pwal kul ngeniei, pwe üpwe apöchöküleer. Iei alon Kot.’

Föför 3:19

Oupwe ekieksefäl o kul ngeni Kot, pwe ämi tipis epwe mola,

Föför 7:57

Lupwen ra rong ekei kapas, ra pinela selinger ngeni pöür o pupuchör fän leüömong. Iwe, ir meinisin ra rangeiti Stefanus,

2. Timoty 4:4

Repwe kul seni ar aüseling ngeni ewe kapas mi let, nge repwe aüseling ngeni ekewe tutulap.

Ipru 5:11

Mi wor chomong mine aipwe tongeni apasa usun ei mettoch, nge a weires äm aipwe awewe ngenikemi, pun oua fokun wewemang.

Pwärätä 22:2

o a putiu lukalapen alen ewe telinimw. Iwe, lepekin ewe chanpupu me rüepek a wor irän manau ra ua fän engol me ruu lon eu ier, fän eu lon eu me eu maram, chör kewe ra tufichin apöchöküla chon ekewe mwü.