Mateus 13:13 - Chuukese Bible

¹³ Iei popun üa kapas ngeniir lon pworausen awewe, pwe repwe nenengeni, nge resap küna och, repwe aüseling, nge resap rongorong, resap pwal wewe ren.

Mateus 13:13 Iomraidhean Croise

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Isikiel 12:2

“Nöün aramas, ka nonom lein eu täppin aramas mi lükümach o ü ngeniei. A wor meser pwe repwe küna, nge resap künökün, a pwal wor selinger pwe repwe rongorong, nge resap rongorong, pun ir eu täppin aramas mi lükümach o ü ngeniei.

Isikiel 20:49

Nge üa apasa, “Ai Kot Samol mi Lapalap, kosap awisa ngeniei ei angang. Aramas ra fen apasa usi, pwe üa chök fos ngeniir lon pworausen awewe.”

Mateus 13:16

Nge ämi oua fokun feiöch! Pun mesemi ra küna o selingemi ra rong.

Nöün Paulus Toropwe ngeni ekewe Souläng lon Rom 11:8

Usun a mak lon ekewe Toropwe mi Pin, “Kot a föri pwe resap tongeni mefi ika weweiti och. Tori ikenai resap tongeni küna ika rongorong.”