Mateus 13:11 - Chuukese Bible

¹¹ Jesus a pölüeniir, “Kot a fen ngenikemi ewe tufich pwe oupwe silei usun monomonen Mwün Läng, nge ei tufich esap pwal ngeni ekoch aramas.

Mateus 13:11 Iomraidhean Croise

Kölfel 25:14

Ewe Samol mi Lapalap a chiechifengen me chokewe mi niuokusiti i. A asile ngeniir an we pwon.

Aisea 29:10

Pun ewe Samol mi Lapalap a apüngätiu womi eu möürüchou. Iwe, a apüngala mesen ekewe chon mesenikemi, nöümi kewe soufos, a pwal pwölüela möküren ekewe chon mökürenikemi, nöümi kewe souürür.

Aisea 29:11

Iwe, ekei kapasen osuni meinisin ra usun chök kapas monomon ngenikemi mi mak lon eu puk mi pwau. Lupwen ra ngeni eman mi sile alea o üreni pwe epwe aleani, epwe apasa, “Üsap tongeni, pun ei puk a pwau.”

Aisea 35:8

Iwe, ikenan epwe wor efoch alalap epwe iteni Al mi Pin. Ekewe chon tipis resap fetal won, nge ekewe chon silemang resap tongeni tok seni.

Mateus 13:10

Mürin ekewe chon kaiö ra feito ren Jesus o aisini, “Pwota ka eäni pworausen awewe lupwen ka kapas ngeni ekei aramas?”

Mateus 16:17

Jesus a pölüeni, “Ka feiöch, Simon nöün Sona. Pun ei kapas mi let esap aitien eman aramas ngonuk, nge Semei lon läng a amefi ngonuk.

Mateus 19:11

Jesus a üreniir, “Sap aramas meinisin ra tongeni etiwa ei sokun afalafal, pwe chokewe chök Kot a ngeniir tufichir.

Mateus 20:23

Jesus a üreniir, “Ewer, oupwe fokun ün seni ai we kap. Nge esap wor ai pwüüng ai üpwe filätä iö epwe mot lepelifichi me lepelimöngi. Ekei leni Semei a amolätä fän iten chokewe i a filiiretä.”

Markus 10:40

Nge esap wor ai pwüüng ai üpwe filätä iö epwe mot pelifichi ika pelimöngi. Nge Kot epwe ngeni chokewe a filiiretä, pwe repwe mot lon ekei leni.”

Markus 4:11

Iwe, Jesus a üreniir, “Kot a fen ngenikemi ewe tufich ämi oupwe silei usun monomonen ewe Mwün Kot. Nge chokewe mi nom lükün repwe rong meinisin lon pworausen awewe.

Lukas 8:10

Jesus a pölüeni, “Kot a fen mwüt ngenikemi pwe oupwe silei ewe pworaus usun ekewe monomonen Mwün Kot, nge ren ekewe ekoch aramas a toriir lon pworausen awewe, pun repwe nenengeni, nge resap küna och, repwe pwal rongorong, nge resap wewe ren.

Johannes 6:65

Iwe, Jesus a sopwela le apasa, “Iei mine üpwe ürenikemi, pwe esap wor eman a tongeni feito rei, are ewe Sam esap atufichi.”

Johannes 7:17

Iö a mochen föri letipen Kot epwe silei ika mine üa eäni afalafal a feito seni Kot, are üa chök kapas fän püsin itei.

Föför 16:14

Iwe, eman me lein ekewe fefin mi aüselingakem Litia seni ewe telinimw Tiatira. Neminei eman chon amömö mangaku mi parachol, nge ra fokun mömong. Ei fefin a fel ngeni Kot, nge ewe Samol a suki lelukan pwe epwe rongosochis ngeni än Paulus afalafal.

Nöün Paulus Toropwe ngeni ekewe Souläng lon Rom 11:25

Ämi pwii kana, mi wor eu monomon mi enlet üa mochen pwe ämi oupwe silei, pwe ousap ekieki püsin ämi tipachem. Iei ewe monomon: Än chon Israel ülöförea lon letiper esap soposopola, nge epwe chök müchüla lupwen epwe unus iteiten chon lükün Israel repwe feito ren Kot.

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

1. Korint 13:2

Are üpwe eäni ewe tufichin osuni o weweöchiti meinisin mine a monomon o eäni silelap meinisin, are üpwe pwal eäni lükülük meinisin, pwe üpwe tongeni amwökütü chuk kana, nge üsap eäni chen, esap wor ai aüchea.

1. Korint 15:51

Oupwe rongorong, üpwe ürenikemi eu kapas monomon: Sap kich meinisin sipwe mäla, nge lupwen ewe amüchülan rappwa epwe tik, kich meinisin sipwe müttir wilila

1. Korint 2:14

Iö esap eäni Ngünmifel esap tongeni etiwa ekewe lifang mi feito seni ewe Ngünün Kot, pun epwe ekieki ngeniir pwe ekoch mettochun umwes. Esap tongeni weweitiir, pun aramas ra chök tongeni mefi aüchear ren ewe Ngünmifel.

1. Korint 2:7

Ewe tipachem sia arongafeili, iei än Kot we tipachem mi monomon, a monola seni aramas, nge Kot a fen amolätä me mwen än fanüfan esamwo wor, pwe sipwe küna ling ren.

1. Korint 4:1

Iwe, ämi oupwe ekieki ngenikem pwe äm nöün Kraist chon angang, wisem pwe aipwe tümwünü än Kot we monomon mi let.

1. Korint 4:7

Pun iö a seikuketä pwe kopwe lap seni ekewe ekoch? Ifa usun, Kot esap fang ngonuk mettoch meinisin mine ka eäni? Pwota ka aingaing won met mi wor reöm usun itä nge esap minen lifang?

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Efisos 1:9

Lon än Kot tipachem me tipemirit meinisin a apwönüetä mine a fen eäni akot o asile ngenikich an ekiek mi monomon a fen filätä pwe epwe aunusala ren Kraist.

Efisos 5:32

Iei eu monomon mi fokun watte a pwä lon ei wokisin, nge usun ai weweiti pwe a wewe ngeni Kraist me mwichefel.

Efisos 6:19

Oupwe pwal iotek fän itei pwe Kot epwe aiti ngeniei ekewe kapas üpwe apasa lon ai afalafal, pwe üpwe pwora le kapas o asile ngeni aramas monomonen ewe Pworausen Manau.

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

1. Timoty 3:9

Repwe kamwöchünük won ewe monomonen lükülük mi let ren mwelien letiper mi limöch.

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.

1. Johannes 2:20

Iwe, ewe mi Pin a fen tinatiu womi ewe Ngünmifel, iei mine ämi meinisin oua silei ewe let.

1. Johannes 2:27

Nge ren ämi, Kraist a fen tinatiu womi Ngünün. Fansoun än Ngünün we epwe nonom lomi, ousap osupwangen än eman epwe aiti ngenikemi och. Pun Ngünün a aiti ngenikemi usun mettoch meinisin. Iwe, mine i a aiti ngenikemi a let, nge esap mwäl. Oupwe aleasochisi mine Ngünün we a aiti ngenikemi, iwe, oupwe nonom lon Kraist.