Mateus 12:7 - Chuukese Bible

⁷ Lon ekewe Toropwe mi Pin a mak, ‘Üa mochen pwe aramas repwe eäni tong enlet, nge sap ar repwe eäni asor man ngeniei.’ Are ämi oua wesewesen silei wewen ei kapas, ousap atipisi ekewe aramas esap wor ar tipis.

Mateus 12:7 Iomraidhean Croise

Hiop 32:3

A pwal song ngeni chiechien Hiop kewe ülüman, pun esap chüen wor mine repwe pälüeni ngeni Hiop, inamwo ika ra fen pwärätä pwe i a mwäl.

Kölfel 109:31

Pun i a peni ewe chon mwelele, pwe epwe amanaua seni chokewe mi atipisi pwe epwe mäla.

Kölfel 94:21

Ra chufengen pwe repwe rawangauei ekewe chon pwüng o atipisi chokewe esap wor ar tipis, pwe repwe mäla.

Än Salomon Fos 17:15

Ewe Samol mi Lapalap a oput ätewe mi aitöchü ekewe aramasangau me ätewe mi atipisi ekewe chon pwüng.

Osea 6:6

Pun üa mochen ämi oupwe eäni tong ellet, nge sap ämi mönün asor. Üa mochen ämi nei aramas oupwe sileei, nge sap ämi asoren kek.

Mateus 22:29

Nge Jesus a pölüeniir, “Ämi oua fokun mwäl, pun ousap silei makkeen ekewe Toropwe mi Pin me än Kot manaman.

Mateus 9:13

Oupwe feila o kütta wewen ei kapas lon ewe Toropwe mi Pin, ‘Üa mochen pwe aramas repwe eäni tong enlet, nge sap ar repwe asor man ngeniei.’ Ngang üsap feito pwe üpwe kökköri ekewe chon pwüng, pwe fen ekewe chon tipis.”

Markus 12:33

Iwe, eman aramas epwe echeni Kot ren unusen lelukan, ren unusen ekiekin me unusen tufichin, epwe pwal echeni chon arun usun chök püsin an echeni. A men fokun aüchea än eman epwe aleasochisi ekei ruu allük, lap seni än epwe eäni asor man me sokopaten asor ngeni Kot.”

Föför 13:27

Pun ekewe aramas mi nom lon Jerusalem me nöür kewe souemwen resap silei pwe i ewe Chon Amanau, resap pwal weweiti kapasen ekewe soufos ra aleani iteiten ekewe ränin sapat. Nge lupwen ra atipisi Jesus, ra apwönüetä alon ekewe soufos.

James 5:6

Oua atipisi o niela ekewe aramas esap wor ar tipis, nge ir resap ü ngenikemi.

Josua 5:5

Nge ekewe mwän meinisin me lein ekewe aramas mi towu seni Isip ra fen sirkomsais. Iwe, sopolan ekewe faik ier ekewe mwän meinisin mi tori ierin sounfiu lupwen ar towu seni Isip ra rosola, pokiten resap aleasochisi alon ewe Samol mi Lapalap.

1. Samuel 15:22

Mürin, Samuel a apasa, “Ifa usun, ewe Samol mi Lapalap epwe efich asoren kek me sokun asor usun an efich aleasochisi alon? Nengeni, aleasochis a mürina seni asor, nge aüseling a mürina seni ach eäni asor iwien ätemwänin sip.