Mateus 12:6 - Chuukese Bible

⁶ Ngang üpwe ürenikemi, pwe och mi lap seni ewe imwenfel a nom ikei.

Mateus 12:6 Iomraidhean Croise

2. Kronika 6:18

Nge ifa usun, en äm Kot, kopwe wesewesen tongeni imweimw ren aramas won fanüfan? Nengeni, kosap kuch lon läng, pwal lon ewe läng mi unusen tekia. Ifa usun, kopwe tongeni kuch lon ei imwenfel üa aüetä?

Aisea 66:1

Pwal iei alon ewe Samol mi Lapalap, “Läng ai lenien mot, nge fanüfan lenien puun pechei. Met sokun imw oupwe aüetä fän itei are ifa lenien ai asösö?

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Mateus 12:5

Ika ousap aleani mwo mine a mak lon än Moses kewe allük, pwe iteiten ränin sapat ekewe souasor lon ewe imwenfel ra atai ewe allükün sapat, nge resap tipis?

Kolose 2:9

Pun sokun Kot meinisin a nom lon Kraist lupwen a manau won fanüfan.