Mateus 12:41 - Chuukese Bible

⁴¹ Lon ewe ränin kapwüng ekewe chon Ninifa repwe ütä o atipisi ei täppin aramas, pun ra aier ren än Sona afalafal. Nge üpwe ürenikemi, pwe eman mi lap seni Sona a nom ikei!

Mateus 12:41 Iomraidhean Croise

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Jeremaia 3:11

Mürin, ewe Samol mi Lapalap a üreniei, “Iei mwo än chon Israel kul seniei, nge a pwä pwe ra pwüng lap seni chon Juta mi kirikiringau.

Sona 1:2

“Kopwe ütä o feila Ninifa ewe telinimw mi lapalap, pwe kopwe apwüngü aramasan, pun üa küna ar föför mi fokun ngau.”

Sona 3:4

Iwe, Sona a tolong lon ewe telinimw ükükün fetalin eu rän. Iwe, a kökö, “Mürin faik rän Ninifa epwe tala.”

Mateus 12:39

Nge Jesus a üreniir, “A ifan me ingauen me kirikiringauen ei täppin aramasen ikenai! Oua tüngor ngeniei pwe üpwe föri eu manaman, nge esap wor eu manaman epwe pwä ngenikemi, pwe ewe chök manaman mi fis ngeni ewe soufos Sona.

Mateus 12:42

Lon ewe ränin kapwüng ewe kiwinen Sepa epwe ütä o atipisi ei täppin aramas. Pun neminei a saito seni fanüan mi toau, pwe epwe rongorong än ewe king Salomon kapasen tipachem. Iwe, üpwe ürenikemi, pwe eman mi lap seni Salomon a nom ikei!

Mateus 12:45

Mürin epwe feila o panato pwal füman ngün mi ngau seni i. Iwe, repwe feito o nonom lon. Iwe, manauen ewe aramas epwe fokun ngau seni me mwan. Iei usun mine epwe fis ngeni ei täppin aramas mi ngau.”

Mateus 12:6

Ngang üpwe ürenikemi, pwe och mi lap seni ewe imwenfel a nom ikei.

Mateus 16:4

A ifan me ngauen me kirikiringauen ei täppin aramasen ikenai! Oua tüngor ngeniei, pwe üpwe föri eu manaman. Nge esap wor eu manaman epwe pwä ngenikemi me lükün ewe chök manaman mi fis ngeni Sona.” Mürin Jesus a likitiir o feila seniir.

Mateus 17:17

Iwe, Jesus a pölüeni, “Ämi eu täppin aramas mi lükülükümang o tipesosor. Ifa langatamen fansoun ai üpwe nom remi. Ifa ükükün fansoun ai üpwe engila ngenikemi? Oupwe uwato ewe ät rei!”

Mateus 23:36

Enlet, üpwe ürenikemi: Ewe apwüng fän iten mälan ekei mi nimanau epwe tori ei pilon aramasen ikenai.

Lukas 11:32

Lon ewe ränin kapwüng ekewe chon Ninifa repwe ütä o atipisi ei täppin aramas, pun ra aier ren än Sona afalafal. Nge üpwe ürenikemi, pwe eman mi lap seni Sona a nom ikei.

Johannes 3:31

Iwe, ätewe mi feito seni läng, i a lap seni meinisin. Ätewe mi pop seni fanüfan, i chon fanüfan, a pwal kapas usun mettochun fanüfan. Nge ätewe mi feito seni läng a tekia seni meinisin.

Johannes 4:12

Äm we lewo Jakop a ngenikem ei chönüttu. I me nöün kewe me nöün kewe mwichen man meinisin ra ün seni. Ifa usun, en ka lap seni Jakop?”

Nöün Paulus Toropwe ngeni ekewe Souläng lon Rom 2:27

Iei usun ekewe chon lükün Israel repwe atipisikemi ämi chon Juta, pun ämi oua purätiu ekewe Allük, inamwo ika a makketiu fän itemi o ämi oua sirkomsais. Nge ir ra aleasochisi ekewe Allük, inamwo ika resap sirkomsais ren inisiir.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.