Mateus 12:3 - Chuukese Bible

³ Jesus a pölüeniir, “Ousap aleani mwo mine Tafit a föri lon ewe fansoun, lupwen i me chienan kewe ra echik?

Mateus 12:3 Iomraidhean Croise

Lifitikos 10:20

Nge lupwen Moses a rongorong ekei kapas, a menemen ren.

Mateus 12:2

Nge lupwen ekewe Farisi ra küna ei, ra üreni Jesus, “Nengeni, noumw kewe chon kaiö ra föri mine esap pwüng lon allükün ach lamalam lon ränin sapat!”

Mateus 12:4

A tolong lon imwen Kot, nge i me chienan kewe ra mongö ekewe pilawa ra eäni asor ngeni Kot, inamwo ika a ü ngeni allükün lamalam ar repwe mongö, pwe ekewe chök souasor a mwümwü ngeniir ar repwe mongö ekei pilawa.

Mateus 12:5

Ika ousap aleani mwo mine a mak lon än Moses kewe allük, pwe iteiten ränin sapat ekewe souasor lon ewe imwenfel ra atai ewe allükün sapat, nge resap tipis?

Mateus 19:4

Jesus a pölüeniir, “Ousap aleani mine a mak lon ekewe Toropwe mi Pin, pwe seni lepoputän ewe mi föri aramas a föri mwän me fefin?

Mateus 21:16

Iei mine ra aisini Jesus, “Ka rongorong mine ekei semirit ra apasa?” Jesus a pölüeniir, “Ewer, üa rongorong. Ousamwo aleani mine a mak lon ekewe Toropwe mi Pin? ‘En ka föri pwe än ekewe semirit me mönükol kölün mwareituk epwe unusöch.’”

Mateus 22:31

Nge usun manausefälin sotup: Ousap mwo aleani mine Kot a fen ürenikemi? A apasa,

Markus 12:10

Oua fen aleani ekei kapas lon ewe Toropwe mi Pin, ‘Ewe fau ekewe chon kaü imw ra pöütala, pun resap aücheani a wiliti ewe föün lepwokuku mi fokun aüchea.

Markus 12:26

Nge usun manausefälin sotup: Ousamwo aleani lon ewe puken Moses usun ewe iräfölüföl mi pulopulen ekkei? Seni lon ewe irä Kot a kapas ngeni Moses, ‘Ngang än Apraham, Isaak me Jakop we Kot.’

Lukas 10:26

Jesus a pölüeni, “Met a mak lon ewe Allük? Met ka aleani?”

Lukas 6:3

Iwe, Jesus a pölüeniir, “Ousap mwo aleani mine Tafit a föri lupwen i me chiechian kewe ra echik?