Mateus 12:2 - Chuukese Bible

² Nge lupwen ekewe Farisi ra küna ei, ra üreni Jesus, “Nengeni, noumw kewe chon kaiö ra föri mine esap pwüng lon allükün ach lamalam lon ränin sapat!”

Mateus 12:2 Iomraidhean Croise

Ekistos 23:12

Iwe, lon wonu rän oupwe föri ämi angang, nge lon ewe afisuen rän oupwe asösö. Pun nöümi kow me nöümi aas repwe asösö, pwal nöümi amanau mi uputiu lon imwemi me ekewe chon ekis mi angang ngenikemi repwe ngasatä.

Ekistos 35:2

Lon wonu rän oupwe föri ämi angang, nge ewe afisuen rän epwe eu ränin sapat mi pin ngenikemi, eu ränin asösö fän iten ewe Samol mi Lapalap. Eman mi föri och angang lon ei rän epwe ninnila.

Aisea 58:13

“Are kopwe tümwünuk pwe kosap apiningaua ewe ränin sapat, kosap pwal föri om angang lon ai rän mi pin, are kopwe aita ngeni ewe ränin sapat ränin pwapwa me pin o tümwünüöchü, pwe kosap kukuloufetal o föri püsin om angang lon, kosap pwal eäni kapas mi lomotongau,

Mateus 12:10

Ikenan a wor eman mwän mi mä pöün. Ekoch aramas ra pwal nom ikenan, ra kütta och popun mine repwe aturu Jesus won. Iei mine ra aisini, “Ifa usun, a ngau ngeni allükün ach lamalam an eman epwe apöchöküla eman aramas lon ränin sapat?”

Mateus 12:3

Jesus a pölüeniir, “Ousap aleani mwo mine Tafit a föri lon ewe fansoun, lupwen i me chienan kewe ra echik?

Markus 2:24

Iwe, ekewe Farisi ra üreni Jesus, “Pwota noumw kewe chon kaiö ra föri mine esap pwüng lon allükün ach lamalam lon ewe ränin sapat?”

Lukas 14:3

Iwe, Jesus a aisini ekewe Sensen Allük me ekewe Farisi, “Ifa usun, allükün ach lamalam a mwütätä ach sipwe apöchöküla aramas lon ränin sapat ika sisap?”

Lukas 23:56

Mürin ra liwiniti lenier o amolätä löpwokus fän iten ewe somä. Nge lon ewe ränin sapat ra asösö usun mine a mak lon ekewe allük.

Lukas 6:2

Ekoch Farisi ra aisini, “Pwota oua föri mine esap pwüng lon allükün ach lamalam lon ränin sapat?”