Mateus 12:15 - Chuukese Bible

¹⁵ Lupwen Jesus a rong usun ar ekiekin rawangauei, a feila seni ewe leni, nge eu mwichen aramas mi chomong a tapwela mürin. Iwe, a apöchöküla ekewe chon samau meinisin

Mateus 12:15 Iomraidhean Croise

Mateus 10:23

Iwe, lupwen repwe ariaföüükemi lon eu telinimw, oupwe süla lon pwal eu. Üpwe fokun ürenikemi, pwe ousamwo wes le föri ämi angang lon ekewe telinimwen Israel meinisin mwen ewe Nöün Aramas epwe liwinsefäl.

Mateus 19:2

Eu mwichen aramas mi chomong a tapwela mürin, iwe, a apöchöküleer me lon ewe leni.

Markus 6:56

Iwe, ekis meinisin ia Jesus a feila ie lon ekewe sopw, telinimw me leni, ekewe aramas ra uwato ekewe chon samau lon ekewe lenien amömö o ra tüngor ngeni Jesus pwe epwe mwüt ngeni ekewe chon samau repwe atapa lepwülün üfan. Iwe, ir meinisin mi atapa ra pöchökületä seni ar samau.

Lukas 5:22

Iwe, Jesus a silei ar ekiek o üreniir, “Pwota oua ekieki ei sokun?

Lukas 6:12

Lon ena fansoun Jesus a feitä won eu chuk pwe epwe iotek. Iwe, a nonom ikenan o iotek ngeni Kot lon unusen ewe pwin.

Lukas 9:11

Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Johannes 11:54

Iei mine Jesus esap chüen saifetal lon Jutea le pwäpwäla lein ekewe chon Juta, nge a feila ngeni eu leni arap ngeni ewe fanüapö lon eu telinimw itan Efraim. A nonom ikenan fiti nöün kewe chon kaiö.

Johannes 7:1

Mürin ei pworaus, Jesus a chök saifetal lon Kalilea, pun esap mochen saifetal lon Jutea, pokiten ekewe nöüwisen chon Juta ra mochen niela i.

Johannes 9:4

Lupwen a chüen rän, üpwe fokun föri angangen ewe mi tinieito. Pwin epwe war lupwen esap wor eman a tongeni angang lon.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

1. Petrus 2:21

Pun iei mine Kot a körikemi ren, pun Kraist a pwal riaföü fänäsengesimi o likiti ngenikemi eu lenien apirü, pwe oupwe tapwela mürin lon ipwan.