Mateus 11:8 - Chuukese Bible

⁸ Met chök oua feila ren pwe oupwe nengeni? Eman mwän mi üföüf üf mi pwetete o mürina? Ekewe aramas mi üföüf ei sokun üf ra nom lon imwen king.

Mateus 11:8 Iomraidhean Croise

2. King 1:8

Nge ir ra pälüeni, “Ewe mwän a üföüf echö üf seni ülen man o ri ngeni lukalapan efoch riri seni silin man.” Iwe, ewe king a üra, “I Elias seni Tispe.”

Aisea 20:2

Lon ena fansoun ewe Samol mi Lapalap a üreni Aisea nöün Amos we, “Kopwe pwilitawu ufom a för seni tuk, pwal ipwom sus.” Iwe, Aisea a föri mine Kot a üreni, a fetal lein aramas fän an selela pwe esap üföüf owokot, esap pwal ipweip sus.

Sekaraia 13:4

Lon ena fansoun eman me eman soufos epwe säw ren püsin künan, lupwen a osuni, esap pwal chüen üföüf üfen soufos mi ülöül pwe epwe atupu aramas.

Mateus 11:7

Lupwen än nöün Johannes kewe chon kaiö feila, Jesus a popuetä le kapas ngeni ewe mwichen aramas usun Johannes, “Lupwen oua feila ren Johannes lon ewe fanüapö, met oua ekieki oupwe nengeni? Efoch äsät mi mwaroro ren asepwäl?

Mateus 11:9

Oupwe üreniei, met chök oua feila ren pwe oupwe nengeni? Eman soufos? Ewer, üa ürenikemi, oua fen küna eman mi lap seni eman soufos.

Mateus 3:4

Johannes a üföüf üf mi för seni ülen kamel, ririn lukalapan a för seni silin man, nge anan mongö lifichimas me chönün chunen seni lein pötöwöl.

Lukas 7:25

Met chök oua feila ren pwe oupwe nengeni? Eman mwän mi üföüf üf mi pwetete o mürina? Ekewe aramas mi üföüf ei sokun üf o manau fän mecheres ra nonom lon imwen king.

1. Korint 4:11

Tori ei fansoun äm aia echik me kaka, aia üföüf üf mi kamwakam, ra wichikem, aia süsüfeil ngeni leni me leni.

2. Korint 11:27

Mi wor ai angang weires, fän chomong üsap möür. Üa echik me kaka, fän chomong esap naf anei, üa föü, esap wor üfei.

Tuteronomi 28:54

Iwe, ewe mwän mi fokun äteson me leimi epwe maicha won mongö ngeni pwin, ngeni püsin pwülüan me nöün semirit mi chüen nom ren.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”