Mateus 11:6 - Chuukese Bible

⁶ Ra feiöch chokewe resap tipemwaramwar rei.”

Mateus 11:6 Iomraidhean Croise

Kölfel 119:1

Ra feiöch chokewe resap tipis lon manauer, chokewe mi aleasochisi än ewe Samol mi Lapalap kewe allük.

Mateus 13:21

Pokiten ewe kapas esap warar lon manauer, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Mateus 18:7

Feiengauen fanüfan pokiten ekewe mettoch ra aselipato ngeni aramas ar repwe tipis! Ekei sokun mettoch repwe fokun fis fansoun meinisin, nge feiengauen ewe aramas a afisätä ekei mettoch.

Mateus 24:10

Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir.

Mateus 26:31

Mürin Jesus a üreni nöün kewe chon kaiö, “Lepwinei ämi meinisin oupwe sü seniei o likitieila, pun iei usun mine a mak lon ekewe Toropwe mi Pin, ‘Kot epwe niela ewe chon mas, nge ekewe sip repwe toropasfeil.’

Mateus 5:29

Iwe, are pelifichin mesom epwe emwenukolong lon tipis, kopwe alusawu o pöütala. Pun a fen öch ngonuk pwe eu kükün kifetin inisum epwe pöütüla, lap seni unusen inisum epwe koturulong lon hell.

Markus 6:3

Ifa usun, sap ätei ewe chon kaü imw nöün Maria, pwiin James, Josef, Jutas me Simeon? Ifa usun fefinan kewe resap nom rech?” Iei mine resap etiwa.

Lukas 2:34

Mürin Simeon a afeiöchüür o üreni Maria, “Nengeni, ei mönükol a fil me ren Kot pwe epwe eu lenien pöütüla me eu lenien küna manau fän iten chomong lon Israel. Ätei epwe pwal eu asisil me ren Kot chomong aramas repwe ü ngeni lon ar kapas,

Lukas 7:23

Ra feiöch chokewe resap tipemwaramwar rei.”

Johannes 16:1

“Ngang üa fen ürenikemi ekei kapas, pwe ämi ousap tok seni ämi lükülük.

Johannes 6:66

Iwe, seni ei fansoun chomong me lein nöün Jesus kewe chon kaiö ra kul seni o resap chüen mochen tapwela mürin.

1. Korint 2:14

Iö esap eäni Ngünmifel esap tongeni etiwa ekewe lifang mi feito seni ewe Ngünün Kot, pun epwe ekieki ngeniir pwe ekoch mettochun umwes. Esap tongeni weweitiir, pun aramas ra chök tongeni mefi aüchear ren ewe Ngünmifel.

Kalatia 5:11

Ämi pwii kana, are üpwe chüen afalafal pwe aramas repwe sirkomsais, pwota chök üpwe chüen küna riaföü? Ika epwe pwüng ei, mürin ai afalafal usun ewe iräpengesin Kraist esap eselipato osukosuk.

1. Petrus 2:8

A pwal mak, “Iei ewe fau aramas repwe chepetek won, eu achau mi afisätä än aramas repwe turula won.” Repwe chepetek, pun resap aleasochisi ewe kapas, pwe iei usun mine Kot a akota fän iter.