Mateus 11:5 - Chuukese Bible

⁵ Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 11:5 Iomraidhean Croise

2. King 5:14

Iei mine Naeman a feila ren ewe chanpupu Jortan o tütiu lon fän fisu, usun mine Elisa a kapas ngeni. Iwe, inisin Naeman a kiliöch o limöch usun chök inisin eman mönükol.

2. King 5:7

Nge lupwen ewe kingen Israel a aleani ewe toropwe, a kamwei üfan lon an rükö o üra, “Ifa usun, ngang Kot pwe üpwe tongeni niela eman o amanaua? Pwota a tinato rei ei mwän pwe üpwe amoela an rupun pwötür? A fat pwe a kütta eu popun pwe epwe fitikoko ngeniei.”

Kölfel 146:8

a aneloi mesen ekewe mi chun. Ewe Samol mi Lapalap a awenätä sökürün chokewe mi pworotiu o echeni ekewe chon pwüng.

Kölfel 22:26

Chokewe mi wöüngau repwe mongö o möt. Chokewe mi feito ren ewe Samol mi Lapalap repwe mwareiti i. Amwo repwe feiöch tori feilfeilachök.

Ekistos 4:11

Mürin, ewe Samol mi Lapalap a üreni Moses, “Iö a föri awen aramas? Iö a föri pwe aramas resap tongeni kapas ika rongorong? Iö a föri pwe repwe küna mwer ika repwe chun? Sap ngang ewe Samol mi Lapalap?

Aisea 29:18

Lon ena fansoun chon selingapwas repwe rongorong kapasen eu puk, nge chon mesechun mi nom lon toputop me rochokich repwe küna mwer.

Aisea 29:19

Ekewe chon tipetekison repwe eäni pwapwa me ren ewe Samol mi Lapalap, nge chon wöüngau repwe mwänek ren Ewe mi Pin lon Israel.

Aisea 43:8

Iwe, Kot a apasa, “Oupwe emwenawu ekewe aramas a wor meser, nge ra mesechun, a pwal wor selinger, nge ra selingepüng.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Sekaraia 11:7

Iwe, ngang eman mi wisen masa ewe pwiin sip mi amol ngeni ar repwe ninnila fän iten chokewe mi kamö o amömöla sip. Iwe, üa angei ruofoch wok, efoch üa aita ngeni Ümöümöch, nge ewe efoch üa aita ngeni Tipeeufengen. Iwe, üa foleni ekewe sip.

Mateus 10:8

Oupwe apöchöküla ekewe chon samau, oupwe amanauasefäli ekewe mi mäla, oupwe amoola rupun chokewe mi üriir rupun pwötür o asüela ekewe anün rochopwak. Oua angafatei ewe manaman, oupwe pwal fangafat.

Mateus 11:4

Jesus a pölüeni, “Oupwe liwinla o asile ngeni Johannes mine oua rongorong o küna:

Mateus 12:13

Mürin Jesus a üreni ewe mwän mi mä pöün, “Kopwe aitiewu poumw.” Iwe, a aitiewu pöün we o a pöchökülsefäl usun chök pwal ewe efoch.

Mateus 21:14

Iwe, chomong mi mesechun me chon pechemä ra feito ren Jesus lon ewe imwenfel, nge i a apöchöküleeretä meinisin.

Mateus 5:3

“Ra feiöch chon silei pwe ra wöüngau lon pekin ngünür, pun ir repwe mwüni Mwün Läng.

Mateus 9:30

Iwe, a nenela meser. Nge Jesus a fokun pese ngeniir, pwe resap üreni eman mine a fis.

Markus 7:37

Iwe, aramas meinisin mi rongorong ei pworaus ra fokun ing o apasa, “A fokun mürina meinisin mine a föri. A mwo nge föri pwe chon selingepüng repwe tongeni rong, nge chon awemwöch repwe tongeni kapas.”

Markus 9:25

Iwe, lupwen Jesus a küna, pwe chomong aramas ra säto rer, a apwüngü ewe ngününgau, “En ngün mi afisätä awemwöch me selingepüng üa allük ngonuk pwe kopwe towu seni ewe ät, nge kosap fokun liwinsefäliti.”

Lukas 4:18

“Ngünün ewe Samol a nonom woi, pun a afiliei pwe üpwe afalafala ewe Pworausen Manau ngeni ekewe chon mwelele. A tiniei, pwe üpwe aronga ngeni ekewe chon fötek pwe repwe ngasala, ekewe chon chun pwe repwe küna mwer, üpwe pwal angasala chokewe aramas ra ariaföüür.

Johannes 10:25

Jesus a pölüeniir, “Üa fen ürenikemi, nge ousap lüküei. Ekewe föför üa föri fän iten Semei ra pwärätä usi.

Johannes 10:38

Nge are üa fen föri ekewe föför, inamwo are ousap lüküei, oupwe fokun lükü ai kewe föför, pwe oupwe silei o weweiti pwe Semei a nom loi, nge ngang üa nom lon Semei.”

Johannes 2:23

Iwe, lupwen Jesus a nom lon Jerusalem fansoun chulapen ewe Pasofer, chomong aramas ra lükü i, pun ra küna ekewe manaman a föri.

Johannes 3:2

Lon eu pwin ätei a feila ren Jesus o üreni, “Rabbi, äm aia silei pwe en eman sense Kot a tinato. Pun esap wor eman a tongeni föri ekei sokun manaman en ka föri are Kot esap eti.”

Johannes 5:36

Nge a wor och ai minen pwärätä a lap seni än Johannes kapasen pwärätä: Ekewe föför ewe Sam a awisa ngeniei pwe üpwe föri ra pwärätä, pwe ewe Sam a tiniei.

Johannes 9:7

Iwe, a üreni, “Kopwe feila ores lon ewe koluk Siloam.” (Wewen Siloam ‘tinala’) Iei mine ewe mwän a feila o oresi mesan, iwe, a liwinto o küna mwan.

Föför 2:22

“Ämi aramasen Israel, oupwe rong ekei kapas: Jesus seni Nasaret, eman aramas mi wor an pwüüng me ren Kot, usun a pwä ngenikemi ren ekewe tufich me manaman me asisil Kot a föri ren Jesus. Oua püsin silei usun ei, pun ra fis ikei lefilemi.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?