Mateus 11:25 - Chuukese Bible

²⁵ Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

Mateus 11:25 Iomraidhean Croise

Keneses 14:19

Iwe, a afeiöchü Apram o apasa, “Kopwe feiöch, Apram, me ren ewe Kot mi Unusen Tekia, a föri läng me fanüfan.

Keneses 14:22

Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,

2. King 19:15

Hiskia a iotek ngeni ewe Samol mi Lapalap o üra, “Ai Samol mi Lapalap ewe Koten Israel, ka mot won ewe lenien motun king asen ekewe kerop. En chök ewe Koten ekewe mwü meinisin won fanüfan, ka pwal föri läng me fanüfan.

1. Kronika 29:13

Iei äm aia kilisou ngonuk, äm Kot, aia pwal mwareiti itom mi ling.

Hiop 37:24

Iei mine aramas ra meniniti i, nge i esap nenengeni aramas mi püsin ekieki pwe ra tipachem.”

Kölfel 8:2

Ekewe semirit me ekewe mönükol ra kölün mwareituk. Ekewe chon oputom resap tongeni afeiengauok. Ka afanafanaloi chon oputom me chon ü ngonuk.

Aisea 5:21

Feiengauemi, ämi mi lükü püsin ämi mirit, oua pwal ekieki pwe ämi chon tipachem.

Aisea 66:1

Pwal iei alon ewe Samol mi Lapalap, “Läng ai lenien mot, nge fanüfan lenien puun pechei. Met sokun imw oupwe aüetä fän itei are ifa lenien ai asösö?

Taniel 2:23

Üa kilisou ngonuk, en ewe Kot än ai kewe lewo, üa pwal ingemwareituk ren om fang ngeniei tipachem me tufich. Ka pälüeni äm iotek o pwäri ngenikem monomonen än ewe king we tan.”

Taniel 4:35

Iwe, esap wor aüchean chon fanüfan meinisin me ren Kot. A föri mochenin letipan ngeni mwicheichen chon läng, pwal ngeni chon fanüfan meinisin. Iwe, esap wor eman a tongeni pinei mine a föri ika aisini, ‘Met ka föri?’

Mateus 16:17

Jesus a pölüeni, “Ka feiöch, Simon nöün Sona. Pun ei kapas mi let esap aitien eman aramas ngonuk, nge Semei lon läng a amefi ngonuk.

Mateus 21:16

Iei mine ra aisini Jesus, “Ka rongorong mine ekei semirit ra apasa?” Jesus a pölüeniir, “Ewer, üa rongorong. Ousamwo aleani mine a mak lon ekewe Toropwe mi Pin? ‘En ka föri pwe än ekewe semirit me mönükol kölün mwareituk epwe unusöch.’”

Lukas 22:42

A apasa, “Semei, are ka mochen, kopwe angei seniei ei kapen riaföü, nge esap fis letipei pwe letipom.”

Lukas 23:34

Iwe, Jesus a apasa, “Semei, kopwe amuserela, pun resap silei mine ra föri.” Ra üttüt won üfan kana o ra ngeni eman me eman met üttian.

Johannes 11:41

Iei mine ra ekiela ewe fau seni won ewe peias. Iwe, Jesus a netä läng o apasa, “Semei, üa kilisou ngonuk pwe ka aüselingaei.

Johannes 12:27

“Iei letipei a weires. Met ngang üpwe apasa? Ifa usun, üpwe apasa, ‘Semei, kosap mwüt ngeniei pwe üpwe tolong lon ei fansoun riaföü?’ Nge ina popun üa feito fanüfan, pwe üpwe tolong lon ei fansoun riaföü.

Johannes 12:28

Semei, kopwe alinga itom!” Mürin a wor eu möngüngü seni läng, “Üa fen alinga itei, nge üpwe pwal alingasefäli.”

Föför 17:24

Ewe Kot mi föri fanüfan me meinisin mine a wor lon, i Samolun läng me fanüfan, esap nonom lon imwenfel mi för ren pöün aramas.

1. Korint 2:10

Nge Kot a pwäri ngenikich ei monomon ren Ngünün we. Pun Ngünün we a atittina mettoch meinisin, pwal mwo nge ekewe ekiekin Kot mi alolol.

2. Korint 3:14

Nge letiper a kopüngüla, tori ikenai ekiekin letiper a pwölüla ren ewe chök pwölüpwöl, lupwen ra aleani ekewe puken ewe pwonen lom. Ewe pwölüpwöl a särifila ren Kraist chök.

1. Samuel 2:18

Nge ewe ät Samuel a angang fän mesen ewe Samol mi Lapalap. A üföüf echö üf itan efot seni mangaku mi pwechepwech.