Mateus 11:23 - Chuukese Bible

²³ Nge en Kapernaum! Ka ekieki om kopwe püsin atekiokotä tori läng? Apwi, kopwe turutiu lon hell! Are ekewe manaman ra fen fis lomw, repwe fen fis lon Sotom, ei telinimw epwe chüen nonom tori ikenai.

Mateus 11:23 Iomraidhean Croise

Keneses 13:13

Nge ekewe re Sotom ra fokun föföringau o tipis ngeni ewe Samol mi Lapalap.

Kölün kechü 2:1

Ewe Samol a uwato rochopwak won Sion lon an song. A aturätiu seni läng lingen Israel we won pwül, Lon ränin an song esap ekieki mwo nge imwan imwenfel.

Isikiel 26:20

Üpwe pöütukela lon lenien sotup ren ekewe armasen lom, üpwe pwal anomuk leutun fanüfan lon ekewe leni mi tala seni me lom, pwe kopwe nonom ren chokewe ra fen feitiu lon lenien sotup. Ina usun kosap chüen so, esap pwal chüen wor leniom lon fanüen chon manau.

Isikiel 31:14

Iei mine esap chüen wor efoch irä mi mär ünükün ekewe koluk epwe tekiatä, pwe ülün epwe tori lein ekewe kuchu. Esap pwal chüen wor irä mi pöchökül ünükün ekewe koluk repwe üwenewenetä o tekia. Pun ir meinisin repwe mäla, repwe feitiu leutun fanüfan ren ekewe somä ren chokewe mi fen feitiu lon lenien sotup.”

Isikiel 32:18

“Nöün aramas, kopwe ngüngüres fän iten ekewe mwicheichen chon Isip. Kopwe atururetiu epin fanüfan fiti chon ekewe mwü mi pöchökül ren chokewe mi fen nom lon lenien sotup:

Isikiel 32:24

Elam a pwal nom, nge nöün mwicheichen sounfiu ra kon ünükün peiasan. Ir meinisin ra mäla lon maun. Iwe, me lom ra afisätä niuokus won fanüen chon manau, nge iei ra feitiu leutun fanüfan, ir chokewe resap sirkomsais, ra pwal uwei ar itengau fiti chokewe ra fen nom lon ewe lenien sotup.

Opataia 1:4

Ika mwo ka föri imwom wilitekia usun eman ikel a fas won leni tekia, pwe ka usun chök nge ka nom lein ekewe fü, nge üpwe chök aturuketiu me ikenan. Ngang ewe Samol mi Lapalap üa kapas.

Mateus 10:15

Enlet üpwe ürenikemi, pwe än Kot apwüngü ekewe aramasen Sotom me Komora lon ewe ränin apwüng epwe kisikis seni an apwüngü aramasen ei telinimw.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Mateus 17:24

Mürin än Jesus me nöün kewe chon kaiö tori Kapernaum, ekewe chon angei takisesin imwenfel ra feito ren Petrus o aisini, “Ifa usun, nöümi sense esap mönätiu takisesin ewe imwenfel?”

Mateus 4:13

Nge esap nonometiu lon Nasaret, nge a feila o nonom lon Kapernaum, eu telinimw mi nom arun ewe nomun Kalilea lon fanüen Sepulon me Naftali.

Mateus 8:5

Lupwen Jesus a tolong lon ewe telinimw Kapernaum, eman meilapen sounfiun Rom a churi o tüngormau ngeni pwe epwe alisi.

Lukas 10:15

Nge en Kapernaum, ka ekieki pwe kopwe püsin atekiokotä tori läng? Apwi, sap ina, kopwe turutiu lon hell!”

Lukas 14:11

Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Lukas 16:23

Lupwen a nom lon hell, a fokun riaföü watte, a anetai mesan o küna Apraham me toau, nge Lasarus a nom arun.

Lukas 4:23

Nge a üreniir, “Ewer, üa silei pwe oupwe apasa ngeniei ei mwiitun, ‘Sousafei, kopwe püsin apöchökülok!’ Kopwe föri ikei lon püsin telinimwomw met aia rongorong pwe ka föri me lon Kapernaum.”

Föför 2:27

Pun en kosap likitieila lon lenien ekewe mi mäla, kosap pwal mwüt ngeni Noumw we mi Pin epwe mach inisin lon peiasan.

Föför 2:31

Tafit a küna met Kot epwe föri lon ekewe fansoun repwe feito, iei mine a kapas usun manausefälin ewe Kraist lupwen a apasa, ‘Esap likilik lon lenien ekewe mi mäla, inisin esap mach lon peiasan.’

Jutas 1:7

Oupwe chechemeni Sotom me Komora me ekewe telinimw mi nom ünükür, aramasen lor ra föri sokun föför usun chök ekewe chon läng. Ra föri sokun föförün lisowu mi ngau o lapalapangau. Ra nom lon riaföün ewe ekkei esekun pwe ina liwinin ar tipis. Iei eu kapasen fön mi fatöch ngeni aramas meinisin.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 11:8

nge somäär repwe nom won alen ewe telinimw watte, ia ar we Samol a iräpenges ie. Iten ei telinimw lon kapasen awewe Sotom me Isip.

Pwärätä 20:13

Mürin ewe matau a fangewu ekewe mi mäla ra nom lon, pwal mäla me ewe lenien sotup ra fangewu ekewe mi mäla ra nom lor. Iwe, ir meinisin ra küna kapwüng won meinisin mine ra föri.

Pwärätä 6:8

Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.