Mateus 11:19 - Chuukese Bible

¹⁹ Nge lupwen Nöün Aramas a feito, a mongö o ün, nge aramas ra apasa, ‘Ou nengeni ei mwän! I eman mi mongömong me ünümong, eman mi chiechi ngeni ekewe chon ioni takises me chon tipis.’ Än Kot tipachem a pwäla pwe a let ren an kewe föför.”

Mateus 11:19 Iomraidhean Croise

Kölfel 109:20

Amwo epwe iei liwinin ekewe chon atipisiei me ren ewe Samol mi Lapalap, liwinin chokewe mi kapasingau usi.

Än Salomon Fos 17:24

Eman aramas mi silelap a chök ekieki tipachem, nge eman mi tiparoch a chök tanechfeil lon an ekiek.

Än Salomon Fos 23:21

pun ekewe chon ünüpuch me ekewe chon mongömong repwe wöüngauala, nge eman a chök mongö o annut epwe üföüf üf mi kamwakam.

Mateus 5:46

Are oua chök echeni chokewe mi echenikemi, esap wor och liwin oupwe angei. Pwal mwo nge ekewe chon ioni takises ra föri ei sokun.

Lukas 14:1

Iwe, lon eu ränin sapat Jesus a feila pwe epwe mongö lon imwen eman souemwenin ekewe Farisi. Iwe, ekewe aramas ra chök opoperi.

Lukas 19:7

Lupwen ekewe aramas meinisin ra küna mine a fis, ra ngününgünfengen lefiler, “Ei mwän a wasöla ren eman chon tipis.”

Lukas 7:29

Iwe, ekewe aramas meinisin, pwal mwo nge ekewe chon ioni takises ra rongorong än Jesus kapas, ra aleasochisi än Kot kewe allük, pun ra papatais ren Johannes.

Johannes 2:2

Pwal Jesus me nöün kewe chon kaiö ra kö pwe repwe eti ewe apwüpwülü.

Nöün Paulus Toropwe ngeni ekewe Souläng lon Rom 15:2

Kich meinisin sipwe föri mine pwiich kewe souläng repwe pwapwa o feiöch ren, pwe repwe fefeitä lon ar lükülük.

Pwärätä 7:12

Ra apasa, “Amen! Feiöch, ling, tipachem, kilisou, iteüöch, manaman me pöchökül än ach Kot tori feilfeilachök! Amen!”