Mateus 10:42 - Chuukese Bible

⁴² Are eman a aünü ngeni eman ekei kükün eu mwo chök kapen koluk mi patapat pokiten an tapweto müri, enlet, üpwe ürenikemi, epwe fokun angei liwinin.”

Mateus 10:42 Iomraidhean Croise

1. King 17:11

Nge lupwen neminewe a feila pwe epwe uwato ewe koluk, Elias a köla mürin, “Kose mochen kopwe pwal uwato rei ekis pilawa.”

2. King 4:10

Sipwe föri eu kükün rum won imwach o atolonga fän itan eu peet, eu chepel, eu lenien mot me eu lamp, pwe iteiten fansoun an feito rech epwe nom lon.”

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Än Salomon Fos 24:14

iei usun kopwe silei pwe tipachem epwe mürina ngonuk. Are ka küna tipachem, epwe wor om apilüköch ngeni ewe fansoun mwom, nge kosap lichipüng lon om apilükülüköch.

Än Salomon Afalafal 11:1

Kopwe fangafangöch ngeni aramas, pun mürin chomong rän kopwe angei liwinin.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Mateus 18:14

Iei usun Semei lon läng esap mochen pwe eman lein ekei kükün epwe mwalechela.

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Lukas 17:2

Epwe fen öch ngeni ewe aramas pwe epwe riritä fän üan eföü fau mi föümong o epwe koturutiu le matau, lap seni an epwe afisätä sosot ngeni eman me lein ekewe kükün pwe epwe tipis.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

2. Korint 8:12

Pun are a wor remi ewe mochen lifang, Kot epwe etiwa ämi lifang won ükükün met oua tongeni, sap won ükükün met ousap tongeni.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.