Mateus 10:26 - Chuukese Bible

²⁶ “Iwe, ousap niuokusiti aramas! Pun mettoch meinisin mi pwölüla epwe pwäla, nge mettoch meinisin mi monomonola aramas repwe silei.

Mateus 10:26 Iomraidhean Croise

Än Salomon Fos 10:9

Eman aramas mi wenechar epwe manau fän kinamwe, nge eman mi rikirik epwe pwäpwäla an föför, epwe pwal angei chappan.

Än Salomon Fos 28:1

Ekewe aramasangau ra sü, lupwen esap wor eman a tapweriir, nge ekewe chon pwüng ra pwora usun eman laion.

Än Salomon Fos 29:25

Om niuokusiti aramas, iei eu sär fän itom, nge are ka apilükülükü ewe Samol mi Lapalap, kosap feiengau.

Än Salomon Afalafal 12:14

Nge Kot epwe apwüngü föför meinisin, pwal iteiten föför mi fis lemonomon, ika a mürina ika a ngau.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 41:14

Ewe Samol mi Lapalap a apasa, “Kosap niuokus, en Israel mi kükün o apwangapwang usun chök eman moso, pun ngang üpwe alisuk. Ngang Ewe mi Pin lon Israel om Chon Amanau.

Jeremaia 1:8

Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Isikiel 2:6

Nge en nöün aramas, kosap niueitiir, kosap pwal niuokusiti ar kapas, kosap niuokus, inamwo ika om nonom lefiler a usun chök om nom lefilen iräfölüföl, ika om nom lein chöükö. Kosap fokun niuokusiti ar kapas ika niueitiir, inamwo ika ir eu täppin aramas mi lükümach o ü ngeniei.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Markus 4:22

Mettoch meinisin mi opola epwe chök pwäpwäla, pwal mettoch meinisin mi pwölüla epwe chök pwäla lon saram.

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Lukas 8:17

Mettoch meinisin mi opola epwe chök pwäpwäla, nge mettoch meinisin mi pwölüla epwe fatala o tolong lon saram.

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 4:13

Iwe, chon ewe mwichen soupwüng ra mairü lupwen ra küna än Petrus me Johannes pworacho, ra pwal silei pwe ir aramas resap fiti sukul. Iwe, ra mefi pwe ir fen chiechien Jesus.

Föför 4:19

Nge Petrus me Johannes ra pölüeniir, “Oupwe püsin apwüngü are a pwüng mwen mesen Kot ach sipwe aleasochis ngenikemi mwen ach aleasochisi Kot.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

1. Petrus 3:14

Nge are oupwe fen küna riaföü pokiten ämi föri mine a pwüng, oupwe feiöch. Ousap niuokusiti aramas, ousap öürek.