Mateus 10:25 - Chuukese Bible

²⁵ Iei mine eman chon kaiö epwe menemenöch an epwe wewe ngeni nöün sense, nge eman chon angang epwe menemenöch an epwe wewe ngeni an masta. Are ra aita ngeni möküren ewe famili Peelsepul, epwe ifan me ngauen ewe it repwe aita ngeni chon an famili meinisin.

Mateus 10:25 Iomraidhean Croise

2. King 1:2

Ahasia ewe kingen Israel a turuwu seni arongorongun won imwan me lon Samaria o fokun feiengau. Iei mine a tinala chon künö, pwe repwe feila ren Paalsepup ewe koten Ekron o aisini ika epwe chikarsefäl seni an feiengau.

Mateus 12:24

Nge lupwen ekewe Farisi ra rong ekei kapas, ra apasa, “Ätei a chök asüela ekewe anün rochopwak pokiten ewe samolun anün rochopwak a ngeni an manaman.”

Mateus 12:27

Ämi oua apasa, pwe üa asüela ekewe anün rochopwak ren manamanen Pelsepul. Iwe, ika epwe iei usun, iö chök a ngeni chiechiemi kewe ar manaman ar repwe asürela? Met chiechiemi kewe ra föri a alletätä pwe oua mwäl.

Mateus 9:34

Nge ekewe Farisi ra apasa, “Ewe samolun anün rochopwak a ngeni ätei an manaman pwe epwe asüela ekewe anün rochopwak.”

Markus 10:39

Iwe, ra pölüeni, “Ewer, aia tongeni.” Nge Jesus a üreniir, “Mi pwüng, oupwe fokun ünümi seni ewe kap ngang üpwe ünümi, oupwe pwal fokun papatais ngeni ewe papatais ngang üpwe papatais ngeni.

Markus 3:22

Iwe, ekoch Sensen Allük mi feito seni Jerusalem ra apasa, “Ewe anü Pelsepul a wäni. I ewe samolun anün rochopwak a ngeni enan mwän an manaman, pwe epwe asüela ekewe anün rochopwak.”

Lukas 11:15

Nge ekoch me leir ra apasa, “Ewe anü Pelsepul, ewe samolun anün rochopwak a ngeni ewe manaman pwe epwe asüela ekewe anün rochopwak.”

Lukas 11:18

Nge are mwün Satan a kinikinfesen o fiufengen, ifa usun, mwün epwe tongeni nonomola? Pun ämi oua apasa, pwe üa asüela ekewe anün rochopwak ren Pelsepul.

Lukas 11:19

Iwe, are iei usun pwe üa asüela ekewe anün rochopwak ren Pelsepul, met chiechiemi kewe ra asürela ren? Iei mine ir repwe alletätä pwe oua mwäl.

Johannes 10:20

Chomong me leir ra apasa, “Eman anün rochopwak a wäni! A umwesila! Pwota oua aüseling ngeni?”

Johannes 7:20

Ekewe aramas ra pölüeni, “Eman anün rochopwak a wänuk. Iö a ekiekin niikela?”

Johannes 8:48

Iwe, ekewe chon Juta ra üreni Jesus, “Ifa usun, esap pwüng äm apasa pwe en eman re Samaria, nge eman anün rochopwak a wänuk?”

Johannes 8:52

Iwe, ekewe chon Juta ra üreni, “Iei äm aia silei pwe eman anün rochopwak a wänuk. Apraham a mäla, pwal ekewe soufos ra mäla, nge en ka apasa pwe iö a aleasochisi om kewe kapas esap fokun mäla.