Mateus 10:21 - Chuukese Bible

²¹ Iwe, pwipwi repwe afangamä pwiir ngeni mäla, eman sam epwe afangamä nöün. Nge ekewe nau repwe ü ngeni semer me iner o aturuur pwe repwe ninnila.

Mateus 10:21 Iomraidhean Croise

2. Samuel 16:11

Iwe, Tafit a üreni Apisai me nöün kewe nöüwis meinisin, “Püsin nei a ekiekin nieila. Pwota oua weitifengenikemi pwe ei re Peniamin a föri ei sokun? Oupwe chök likiti epwe ottek, pun ewe Samol mi Lapalap a üreni pwe epwe ottek.

Hiop 19:19

Chiechiei kewe meinisin mi kan ngeniei ra fokun oputaei, nge chokewe meinisin üa tongeer ra kul o ü ngeniei.

Kölfel 50:20

Ka chök tipitipimwäl ngeni pwiüm o aitengaua püsin nöün inom.

Aisea 19:2

Iwe, ewe Samol mi Lapalap a üra, “Üpwe afiu chon Isip pwe eman epwe fiufengen me pwin, iteiten eman me eman epwe fiu ngeni chon arun. Eu telinimw epwe ü ngeni pwal eu telinimw, nge eman mi mochen king epwe ü ngeni ewe king.

Sekaraia 13:3

Nge ika eman a chüen osuni, püsin saman me inan repwe üreni, ‘Kopwe fokun ninnila, pun ka apasa pwe om kapasen osuni a pop seni ewe Samol mi Lapalap, nge ka chofana.’ Püsin saman me inan repwe posu, lupwen a osuni.

Mateus 24:10

Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir.