Mateus 10:16 - Chuukese Bible

¹⁶ “Nengeni, üpwe tinikemiila usun chök sip lein wolif kana. Iei mine oupwe eäni tipachem usun serepenit o oupwe tipepwetete usun tipepweteten ekewe lisom.

Mateus 10:16 Iomraidhean Croise

Keneses 3:1

Iwe, ewe serepenit a tipachemsolä seni ekewe man meinisin Kot ewe Samol mi Lapalap a föriir. Iwe, a aisini ewe fefin, “Ifa usun, Kot a wesewesen apasa pwe ousap fokun mongö seni ekewe irän ei tanipi?”

Keneses 3:13

Mürin, Kot ewe Samol mi Lapalap a aisini ewe fefin, “Pwota ka föri ei sokun?” Nge ewe fefin a pälüeni, “Ewe serepenit a atupuei, iei mine üa mongö.”

Nehemia 4:13

Iei mine üa alenia ekewe aramas lon tettelin ar kewe famili fän nöür ketilas, wokur siles me ar kewe esefich lon ekewe leni lükün ewe ia ewe tit esamwo tekia ie.

Jeremaia 40:16

Nge Ketalia a üreni Johanan, “Kosap föri ei föför, pun esap pwüng om kapas fän iten Ismael.”

Osea 7:11

Chon Israel ra wewe ngeni eman lisom, ra tupukai, esap pwal wor ar mirit. Ra siö ngeni Isip, mürin ra pwal feila Asiria.

Mateus 24:25

Oupwe rongorong! Ngang üpwe pwäri ngenikemi ekei mettoch mwen ar repwe fis.

Mateus 24:45

“Iwe, iö chök ewe chon angang mi allükülük o tipachem? Ätewe an masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Mateus 25:2

Limman me leir ra tiparoch, nge limman ra tipachem.

Mateus 25:4

Nge ekewe mi tipachem ra uwei nöür kewe lamp, ra pwal uwei alölöör.

Mateus 25:9

Nge ekewe mi tipachem ra pölüeniir, ‘Amusala, esap fokun naf ngenikemi me äm. Oupwe feila kamö ämi alölö lon sitowa.’

Lukas 10:3

Oupwe feila! Üpwe tinikemiila usun chök nienifön sip lein wolif.

Lukas 21:15

pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Föför 20:29

Ngang üa silei pwe mürin ai üpwe feila senikemi, aramas mi wewe ngeni wolif mwacho repwe feito leimi o repwe fokun afeiengaua ämi we mwich.

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

2. Korint 11:14

Sisap mairü ren ei sokun föför, pun Satan a püsin siwili lapalapan usun itä nge i eman chon längin saram!

2. Korint 11:3

Nge ngang üa niuokus pwe usun ewe serepenit a atupu Efa ren an tipachemsolä, iei usun ämi ekiek epwe tokola seni ämi enletin echeni Kraist fän allükülük.

2. Korint 8:20

Äm aia püsin afälikem, pwe esap wor eman epwe tongeni atipisikem ren lapalapen äm tümwünü ei lifang mi watte.

Filipi 2:15

pwe esap wor och mi mwäl lon manauemi, nge oupwe limöch usun nöün Kot kana mi unusöch ra nonom won ei fanüfan mi ur ren aramas mi kirikiringau me tipis. Oupwe fokun tittin lefiler usun ekewe fü ra tittin fän läng,

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

Kolose 4:5

Oupwe eäni tipachem lon ämi föför ngeni chokewe resap lükü, oupwe alomotöchü ämi fansoun.

1. Tesalonika 2:10

Ämi nöüm chon pwärätä, pwal Kot, pwe äm föför ngenikemi ämi mi lükü ewe Pworausen Manau a limöch me pwüng, nge esap wor mwäl lon.

1. Tesalonika 5:22

o pöütala meinisin mine a ngau.