Mateus 10:15 - Chuukese Bible

¹⁵ Enlet üpwe ürenikemi, pwe än Kot apwüngü ekewe aramasen Sotom me Komora lon ewe ränin apwüng epwe kisikis seni an apwüngü aramasen ei telinimw.

Mateus 10:15 Iomraidhean Croise

Mateus 12:36

Nge üpwe ürenikemi, pwe lon ewe ränin apwüng aramas meinisin repwe küna apwüng ren iteiten kapas lomotongau ra apasatä.

Mateus 5:18

Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin.

Mateus 7:22

Chomong repwe apasa ngeniei lon ewe ränin kapwüng, ‘Samol, Samol, ifa usun, äm aisap afalafal fän itom? Aisap asüela anün rochopwak fän itom? Aisap pwal föri chomong manaman fän itom?’

Markus 6:11

Nge are oupwe tori eu telinimw, nge resap etiwakemi ika aüselingakemi, oupwe towu seni ei telinimw o wichikala pwülün fän pechemi, pwe epwe eu minen pwärätä ngeniir, pwe ra mwäl.”

Johannes 12:48

Iö a aliwiniei o esap etiwa ai kewe kapas, a wor met epwe kapwüng ren. Ewe kapas üa apasatä epwe apwüngü lon ewe sopolan rän.

Johannes 6:39

Iwe, iei letipen ewe mi tiniei, pwe esap pöüt seniei eman lein chokewe i a ngeniei, nge üpwe amanaueer lon ewe ränin sopolan.

Johannes 6:40

Pun iei letipen Semei, pwe meinisin mi nenengeni ewe Nau o lükü i repwe eäni manau esemüch. Ngang üpwe amanaueer lon ewe ränin sopolan.”

Föför 17:31

Pun a filätä eu rän epwe apwüngü unusen chon fanüfan meinisin fän pwüng ren eman mwän i a awisa ngeni. A fen alletätä ei ngeni aramas meinisin ren an amanauasefäli ei mwän seni mäla.”

1. Korint 3:13

Iwe, aüchean än eman me eman angang epwe pwä me fatala lon ewe Ränin Kraist. Pun lon ena rän ekkei epwe afata angangen eman me eman. Ekkei epwe asosota än eman me eman angang, pwe epwe pwä aüchean.

1. Tesalonika 5:4

Nge ämi pwiim kana, ousap nonom lon rochopwak, pwe ousap serengau ren ewe Rän usun än eman serengau ren eman chon solä.

Ipru 10:25

Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.

2. Petrus 2:6

Kot a apwüngü ekewe telinimw Sotom me Komora o atarela ren ekkei. A föri pwe ir eu lenien eniweniw ngeni chokewe resap meniniti Kot.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.

2. Petrus 3:7

Nge ekewe läng me ei fanüfan mi nom iei ra iseis ren ewe chök kapasen Kot pwe repwe tala ren ekkei. Ra nonom tori ewe rän, lupwen ekewe aramas resap meniniti Kot repwe küna kapwüng me mäla.

1. Johannes 4:17

Ren ei chen a unusöchüla loch, pwe sia apilükülüköch lon ewe Ränin Kapwüng. Ewer, sipwe eäni apilükülüköch, pun manauach won ei fanüfan a usun chök manauen Kraist.

Jutas 1:6

Oupwe chechemeni ekewe chon läng resap menemenöch ren wiser, nge ra likitala wesewesen lenier. Ra föfö ngeni sein esap tongeni mwü lon ewe rochokich mi nom fan, ia Kot a fötekiniirelong ie tori ewe Rän mi lap i epwe apwüngüür lon.

Jutas 1:7

Oupwe chechemeni Sotom me Komora me ekewe telinimw mi nom ünükür, aramasen lor ra föri sokun föför usun chök ekewe chon läng. Ra föri sokun föförün lisowu mi ngau o lapalapangau. Ra nom lon riaföün ewe ekkei esekun pwe ina liwinin ar tipis. Iei eu kapasen fön mi fatöch ngeni aramas meinisin.