Mateus 10:14 - Chuukese Bible

¹⁴ Iwe, are chon eu imw ika telinimw resap etiwakemi ika aüselingakemi, mürin oupwe towu seni ewe leni o wichikala pwülün fän pechemi.

Mateus 10:14 Iomraidhean Croise

Nehemia 5:13

Üa pwal äsupu pipin lenumun üfei o üra, “Iei usun Kot epwe äsupala iteiten eman me eman aramas seni lon imwan me lenian, ika esap apwönüetä ei pwon. Amwo epwe morotiu o pöla iei usun.” Iwe, unusen ewe mwichen aramas ra apasa “Amen”, ra pwal mwareiti ewe Samol mi Lapalap. Nge ekewe nöüwis ra föri usun mine ra eäni pwon.

Mateus 10:13

Are aramasen ewe imw ra etiwakemi, ämi kapongen kinamwe epwe nonom rer. Nge are resap etiwakemi, ämi kapongen kinamwe epwe liwinitikemi.

Mateus 18:5

Nge iö a etiwa ei sokun semirit fän itei, i a etiwaei.

Markus 6:11

Nge are oupwe tori eu telinimw, nge resap etiwakemi ika aüselingakemi, oupwe towu seni ei telinimw o wichikala pwülün fän pechemi, pwe epwe eu minen pwärätä ngeniir, pwe ra mwäl.”

Markus 9:37

“Are eman a etiwa eman ekei semirit fän itei, wewen chök nge a pwal etiwaei, nge are eman a etiwaei, esap chök etiwaei, nge a pwal etiwa ewe mi tiniei.”

Lukas 9:48

Iwe, a üreniir, “Iö a etiwa ei semirit fän itei, a etiwaei. Nge iö a etiwaei a pwal etiwa ewe eman a tiniei. Pun iö a kis me leimi meinisin, ina i ätewe a lap mwemi meinisin.”

Lukas 9:5

Nge lon meni telinimw resap etiwakemi lon, oupwe towu seni o wichikala pwülün fän pechemi, pwe epwe eu minen pwärätä ngeniir pwe ra mwäl.”

Johannes 13:20

Enlet, üpwe wesewesen ürenikemi: Iö a etiwa ewe ngang üa tinala, a etiwaei, nge iö a etiwaei a etiwa ewe mi tinieito.”

Föför 13:51

Iwe, ekewe soukünö ra wichiki pwülün fän pecher pwe eu asisilen ar ü ngeni aramasen ewe telinimw o feila Ikonium.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

1. Tesalonika 4:8

Iei mine iö a pöütala ekei kapasen fön, esap pöütala kapasen aramas pwe kapasen Kot, ewe mi fang ngenikich ngünün we Ngünmifel.