Mateus 1:20 - Chuukese Bible

²⁰ Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 1:20 Iomraidhean Croise

Keneses 31:11

Iwe, nöün Kot we chon läng a köriei lon ai tan, ‘Jakop.’ Nge ngang üa apasa, ‘Ngang iei.’

Keneses 46:3

Iwe, Kot a üreni, “Ngang Kot, än semom we Kot. Kosap niuokus le feila Isip, pun ikenan üpwe föri senuk eu mwü mi fokun watte.

1. King 17:13

Nge Elias a üreni neminewe, “Kosap niuokus. Kopwe feila o föri usun mine ka apasa. Nge kopwe akomwen föri fän itei echö kükün nokop seni ewe pilawa o uwato rei, mürin kopwap föri anom me enen noum we ät.

1. King 3:5

Lon ewe pwin ewe Samol mi Lapalap a pwä ngeni Salomon lon an tan me lon Kipeon o üreni, “Met ka mochen ngang üpwe fang ngonuk.”

Kölfel 119:125

Ngang noum chon angang, kopwe ngeniei mirit pwe üpwe tongeni silei om kewe allük.

Kölfel 143:8

Iteiten lesosor kopwe pwäri ngeniei om tong ellet, pun üa anomu ai apilükülük womw. Kopwe aiti ngeniei ewe al üpwe fetal won, pun üa suki ngonuk lelukei.

Kölfel 94:19

Lupwen a wor chomong ai öürek, en ka achipaei o apwapwai lelukei.

Än Salomon Fos 12:5

Ekewe chon pwüng ra ekiekietä mine a pwüng, nge än ekewe aramasangau öüröür a atuputup.

Aisea 26:3

Ka ngeni chokewe mi kamwöchünük womw kinamwe, pun ra anomu ar apilükülük womw.

Aisea 30:21

Iwe, lupwen oua kul ngeni peliifich ika peliimöng, selingemi repwe rongorong me lükün sökürümi, “Iei ewe al oupwe aleni.”

Aisea 51:7

Oupwe aüselingaei, ämi mi silei mine a pwüng, ämi aramas mi amwöchü ai allük lon lelukemi. Ousap niueiti kapasen esit me ren aramas, ousap pwal apilükingau ren ar aitengauakemi.

Aisea 7:13

Mürin, Aisea a apasa, “Oupwe rongorong, ämi mwirimwirin Tafit. Ifa usun, esap naf ngenikemi pwe oua epwisi aramas, nge oua pwal mochen epwisi ai we Kot?

Aisea 7:2

Iwe, lupwen ewe pworaus a tori Ahas ewe kingen Juta pwe Siria a aileni Israel, i me nöün aramas ra fokun niuokus pwe ra chechech usun irä, lupwen asepwäl a pöniir.

Jeremaia 31:22

Ifa ükükün fansoun om kopwe rikirikfetal, en Israel kosap allükülük? Ngang ewe Samol mi Lapalap üa afisätä och mettoch mi fö o sokola won fanüfan: Israel epwe fitipacheiti Kot.”

Jeremaia 33:26

mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”

Jeremaia 40:9

Iwe, Ketalia a pwon fän akapel ngeniir me nöür kewe sounfiu o üreniir, “Ousap niuokus, oupwe fangatä ngeni ekewe chon Papilon. Oupwe nonom lon ei fanü o angang ngeni ewe kingen Papilon, mürin meinisin epwe öch fän itemi.

Sowel 2:28

“Mürin, epwe war ewe fansoun pwe üpwe tinato Ngüni won aramas meinisin. Nöümi mwän me fefin repwe osuni, ekewe chinlap mwän me leimi repwe eäni tan, nge nöümi alüal epwe wor künaer.

Numperis 12:6

Iwe, a üreniir, “Oupwe aüseling ai kapas: Are mi wor eman soufos leimi, ngang ewe Samol mi Lapalap üpwe pwäri ngeni üsi lon künan, üpwe pwal kapas ngeni lon an tan.

Mateus 1:18

Iwe, iei usun än Jesus Kraist uputiu. Maria inan a kofot ngeni Josef, nge me mwen ar resamwo pwüpwülü a pwä pwe neminewe a pwopwo ren manamanen Ngünmifel.

Mateus 2:12

Iwe, Kot a öüröüra ngeniir lon ar tan, pwe resap chüen liwiniti Herotes, iei mine ra liwinsefäliti fanüer won pwal efoch al.

Mateus 2:13

Mürin än ekewe souürür feila, eman nöün ewe Samol chon läng a pwä ngeni Josef lon an tan o üreni, “Herotes epwe kütta ewe mönükol pwe epwe niela. Iei mine kopwe pwätä, kopwe angei ewe mönükol me inan we o süla Isip. Oupwe nonom ikenan tori inet üpwe ürenuk pwe oupwe liwin.”

Mateus 2:19

Mürin än Herotes mäla, eman nöün ewe Samol chon läng a pwä ngeni Josef lon an tan me Isip

Mateus 2:22

Nge lupwen Josef a rong pwe Arkelaus a siwili saman Herotes lon wisan wisen king lon Jutea, a niuokus an epwe feila ikenan. Iwe, Kot a pwal öüröürasefäli, iei mine a feila lon ewe fanü Kalilea

Mateus 27:19

Iwe, lupwen Pilatus a mot won an lenien motun apwüng, pwülüan a tinala ren ei pworaus: “Kosap föri och ngeni ewe aramas mi pwüng, pun lon ai tan lepwinewe üa fokun riaföü fänäsengesin.”

Mateus 28:5

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Lukas 1:19

Iwe, ewe chon läng a pölüeni, “Ngang Kapriel, ewe mi ü mwen mesen Kot. Kot a tinieito pwe üpwe kapas ngonuk o asile ngonuk ei pworaus allim.

Lukas 2:4

Iwe, Josef a pwal feila seni ewe telinimw Nasaret lon Kalilea, nge a feitä Jutea lon ewe telinimwen Tafit itan Petleem, pun i eman mwirimwirin Tafit.

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Pwärätä 19:7

Ousipwe mweireir o fokun pwapwa, ousipwe mwareiti an tekia! Pun a war fansoun apwüpwülüen ewe Lam, nge pwülüan we, ewe fin apwüpwülü söfö, a püsin amol ngeni ewe rän.

Soukapwüng 13:3

Iwe, nöün ewe Samol mi Lapalap chon läng a pwä ngeni ewe fefin o üreni, “Nengeni, kosap nöünöü, pun ka rit. Nge iei kopwe pwopwo o nöüni eman ät.