Mateus 1:1 - Chuukese Bible

¹ Iei tettelin uruwon än Jesus Kraist kewe lewo, i eman mwirimwirin Tafit, nge Tafit eman mwirimwirin Apraham.

Mateus 1:1 Iomraidhean Croise

Keneses 12:3

Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”

Keneses 2:4

Iei uruwon mine a fis, lupwen Kot a föri läng me fanüfan. Lon ewe rän, lupwen Kot ewe Samol mi Lapalap a föri fanüfan me läng,

Keneses 22:18

Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”

Keneses 5:1

Iei uruwon mwirimwirin Atam. Lupwen Kot a föri ewe aramas, a föri lon püsin lapalapan.

Kölfel 132:11

Ewe Samol mi Lapalap a akapel ngeni Tafit eu pwon mi let, nge esap atai, “Üpwe awisa eman me lein noum kewe mwän epwe siwiliik lon wisom wisen king.

Kölfel 89:3

En ka apasa, “Üa eäni eu pwon ngeni ätewe üa filätä, üa pwon fän akapel ngeni Tafit nei we chon angang:

Kölfel 89:36

Epwe wor mwirimwirin Tafit tori feilfeilachök, nge mwün epwe nonom mwei usun chök akkar a nom mwei.

Aisea 11:1

Iwe, ekewe mwirimwirin Tafit ra usun efoch irä mi pöküpökütiu. Nge usun ekoch fasar ra pwükütä seni ewe popun, iei usun eman king mi fö epwe ütä seni me lein ekewe mwirimwirin Tafit.

Aisea 53:8

Ra fötekini o apwüngü, mürin ra emwenala pwe epwe mäla. Nge iö lein pilon kana a ekieki pwe manauan a üküpöküla me won fanüfan, a pwal mäla pokiten pupungauen nei aramas?

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 33:26

mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”

Amos 9:11

Iwe, ewe Samol mi Lapalap a apasa, “Epwe war ewe fansoun lupwen üpwe aüsefälietä ewe mwün Tafit mi wewe ngeni eu imw mi turula. Üpwe apinasa pwangan o försefäli mine a ta me won. Üpwe försefäli pwe epwe usun chök lon fansoun lom.

Sekaraia 12:8

Lon ena fansoun ewe Samol mi Lapalap epwe tümwünü ekewe chon Jerusalem, pwe chokewe mi fokun apwangapwang repwe pöchökül usun chök Tafit, nge ekewe mwirimwirin Tafit repwe emweniir usun chök Kot, usun chök nöün ewe Samol mi Lapalap chon läng.

Mateus 1:18

Iwe, iei usun än Jesus Kraist uputiu. Maria inan a kofot ngeni Josef, nge me mwen ar resamwo pwüpwülü a pwä pwe neminewe a pwopwo ren manamanen Ngünmifel.

Mateus 1:2

Apraham semen Isaak, Isaak semen Jakop, nge Jakop semen Juta me pwiin kewe.

Mateus 15:22

Iwe, eman fin Kanaan mi nom lon ena leni a feito ren o kökkö ngeni, “Ai samol, Nöün Tafit, kopwe tongeei. Nei nengin a fokun riaföü, pun eman anün rochopwak a wäni.”

Mateus 3:16

Iwe, lupwen Jesus a wes me papatais, a müttir ütä me lon ewe koluk. Nge nengeni, läng a sukula ngeni o a küna ewe Ngünün Kot a feitiu won usun lapalapen eman lisom.

Mateus 9:27

Lupwen Jesus a feila seni ewe leni, ruoman mwän mi mesechun ra tapwela mürin. Ra kökkö ngeni fän leüömong, “Nöün Tafit, kopwe tongekem!”

Lukas 1:33

I epwe nemeni ekewe mwirimwirin Jakop feilfeilachök, nge mwün esap fokun müchüla.”

Johannes 7:42

Ekewe Toropwe mi Pin ra apasa, pwe Kraist epwe eman mwirimwirin Tafit, epwe uputiu lon Petleem ewe telinimwen Tafit.”

Föför 2:30

I eman soufos a silei met Kot a eäni pwon ngeni: Kot a pwon fän akapel pwe epwe awora eman mwirimwirin Tafit pwe epwe king, usun chök Tafit.

Nöün Paulus Toropwe ngeni ekewe Souläng lon Rom 1:3

A kapas usun Nöün we, ach Samol Jesus Kraist: Lon an wiliti aramas, a uputiu lon tettelin eman mwirimwirin Tafit.

Nöün Paulus Toropwe ngeni ekewe Souläng lon Rom 4:13

Lupwen Kot a pwon ngeni Apraham me mwirimwirin kana pwe repwe fanüeni fanüfan, a föri ei sap pokiten än Apraham aleasochisi ekewe Allük, nge pokiten an küna pwüng me ren Kot ren an lükülük.

Nöün Paulus Toropwe ngeni ekewe Souläng lon Rom 9:5

Ir mwirimwirin ar kewe lewo re Ipru mi iteföüla, pwal Kraist eman me leir lon an nom lon fituk. Sipwe mwareiti Kot tori feilfeilachök, ewe mi nemeni mettoch meinisin. Amen.

Kalatia 3:16

Iwe, Kot a föri an pwon ngeni Apraham me mwirimwirin we. Lon ekewe Toropwe mi Pin esap mak “mwirimwirin kana”, wewen chomong aramas, nge a mak “mwirimwirin we”, wewen eman chök aramas, iei i Kraist.

1. Timoty 2:5

Pun mi wor eman chök Kot, pwal eman chök chon afför lefilen Kot me aramas kana, iei i ewe aramas Kraist Jesus,

2. Timoty 2:8

Kopwe chechemeni Jesus Kraist, ewe mi manausefäl seni mäla, i eman mwirimwirin Tafit, usun a pwäla lon ai afalafala ewe Pworausen Manau.

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”