Malakai 4:3 - Chuukese Bible

³ Lon ewe rän üpwe afisi ekei föför, ämi oupwe purätiu ekewe aramasangau, nge ir repwe usun chök falang me fän pechemi.

Malakai 4:3 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

2. Samuel 22:39

Üa atururela pwe resap chüen tongeni ütä. Ra turula arun pechei.

2. Samuel 22:43

Üa üsiir pwe ra usun chök pipisüsü, üa atatakisiir o ipweriretiu usun pwakaken lon ekewe al.

Hiop 40:12

Ewer, kopwe nenengeni chokewe meinisin mi lamalamtekia o atekisoneretiu. Kopwe purätiu ekewe aramasangau me ewe ia ra ütä ie.

Kölfel 147:6

Ewe Samol mi Lapalap a atekiatä chokewe mi tekison, nge a aturätiu ekewe aramasangau lepwül.

Kölfel 49:14

Ra fil pwe repwe ninnila usun chök ekewe sip. Mäla epwe nöür chon mas. Ekewe chon pwüng repwe pwapwa ren ar akufuur lesosor, nge ir repwe pwomachala lon ewe lenien sotup toau seni imwer mi ling.

Kölfel 91:13

Kopwe ipwetiu won laion me serepenit, kopwe purätiu fän pecheöm ekewe nienifön laion me ekewe serepenit mi poison.

Aisea 25:10

Iwe, pöün ewe Samol mi Lapalap epwe pwölü ei chuk Sion, nge epwe puri Moap usun eman a puri fetilipwas lon eu pwangen pi.

Aisea 26:6

Iwe, chokewe mi nom lon riaföü me wöüngau ra puri ewe telinimw.

Kölün kechü 1:15

Ewe Samol mi Lapalap a esita nei kewe sounfiu mi pwora meinisin mi nom rei. A tinato eu mwichen sounfiu pwe repwe afeiengaua nei kewe alüal Ewe Samol mi Lapalap a puri nei aramas, usun eman a puri föün irän wain.

Isikiel 28:18

Ren chomongun om tipis, pwal ren om atuputup le amömö ka turunufasei om kewe imw mi pin. Iei mine üa aküw eu ekkei lon telinimwom o kenukela. Üa awiluk ngeni falangen ekkei won pwül fän mesen chokewe meinisin mi nenengenuk.

Taniel 7:18

Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.”

Taniel 7:27

Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”

Mika 5:8

Iwe, chokewe mi chüen manau seni mwirimwirin Jakop repwe nonom lein chon ekewe mwü usun eman laion lein ekewe manmwachon lein wöllap, usun eman nienifön laion mi nom lein epwi pwiin sip, epwe puriretiu o atatakisiir, nge esap wor eman a tongeni amanaueer.

Mika 7:10

Mürin chon oputaei repwe küna mine a fis o fokun säw, ir chokewe mi aisiniei, “Ifa i ewe Samol mi Lapalap om we Kot?” Üpwe küna ar kuf me än aramas puriir usun ar puri pwakaken won ekewe al.

Sekaraia 10:5

Ir meinisin repwe usun chök mwän mi pöchökül lon maun, repwe purätiu chon ü ngeniir lon pwakaken ekewe al. Repwe maun, pun ewe Samol mi Lapalap a etiir, repwe pwal akufu ekewe chon oputer mi wawa oris.

Malakai 3:17

Iei alon ewe Samol mi Unusen Manaman, “Ir repwe nei, repwe fokun nei aramas lon ewe rän üpwe awora. Ngang üpwe eäni ümöümöch ngeniir, usun eman sam a ümöümöch ngeni nöün mwän mi angang ngeni.

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 14:20

Ekewe umwun uän wain ra üchüch lon ewe lenien üchüch lükün ewe telinimw. Iwe, cha a towu seni ewe lenien üchüch föün wain, o pupuun a pula ina epwe ükükün ruwopükü mail, nge alololun ina epwe ükükün limu fiit.