Malakai 4:2 - Chuukese Bible

² Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Malakai 4:2 Iomraidhean Croise

2. Samuel 23:4

a wewe ngeni saramen tötän akkar lesosor, lupwen esap wor kuchu, pwal usun saramen akkar mürin püngün üt mi ämärätä fetil won fanüfan.

Kölfel 103:3

A amusala ai tipis meinisin o amoela ai apwangapwang meinisin,

Kölfel 147:3

A apöchöküla ir mi tatakis leluker o filiti kinaser.

Kölfel 61:5

Pun en ai Kot, ka rongorong ai kewe pwon, ka ngeniei wisen chokewe mi meninituk.

Kölfel 67:1

Ai Kot, kopwe ümöümöch ngenikem o afeiöchükem, kopwe netiu wom fän om kirikiröch,

Kölfel 84:11

Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.

Kölfel 85:9

Ellet, a kaneto pwe epwe amanaua chokewe mi niuokusiti i, pwe an ling epwe nonom lon fanüach.

Än Salomon Fos 4:18

Ewe al ekewe chon pwüng ra fetal won a usun chök saramen ünümweerän mi chök sasaramala tori a unusen ränila.

Aisea 30:26

Iwe, tinen maram epwe wattela usun chök tinen akkar, nge tinen akkar epwe wattela fän fisu usun chök saramen fisu rän, lupwen ewe Samol mi Lapalap epwe filiti kinasen nöün aramas o amoola metekir a püsin ngeniir.

Aisea 35:6

chon pechemä repwe mwetemwet usun eman chia, nge ekewe chon awemwöch repwe köl fän mweireir. Pun lenien koluk repwe mökküla lon fanüpwas, nge chanpupu repwe pupu lon fanüapö.

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Aisea 50:10

Iö leimi a niueiti ewe Samol mi Lapalap o aleasochisi alon nöün we chon angang? Ätewe mi fetal lon rochopwak, nge esap küna och saram, epwe chök lükü ewe Samol mi Unusen Manaman o apilükülükü an we Kot.

Aisea 53:5

Nge a kinas pokiten ach pupungau, a tatakis pokiten ach föföringau. Liwinin ach tipis a nonom won pwe sipwe küna kinamwe, nge ren an kinas kana a mola ach samau.

Aisea 9:2

Iwe, ekewe aramas mi fetal lon rochopwak ra küna eu saram mi watte, nge eu saram a pwä ngeni chokewe mi nom lon fanüen rochopwak.

Jeremaia 17:14

Ai Samol mi Lapalap, kopwe apöchökülaei, pwe üpwe wesewesen pöchökül. Kopwe amanauaei pwe üpwe fokun manau, pun en ewe üa mwareiti.

Jeremaia 30:17

Iwe, ngang üpwe apöchökülakemi o amoela kinasemi, inamwo ika chon oputakemi ra aita ngenikemi chon pöütüla o apasa, ‘Esap wor eman a chüngü Sion.’ Ngang ewe Samol mi Lapalap üa kapas.”

Jeremaia 33:6

Inamwo ai föri ei, nge üpwe apöchökülasefäli ei telinimw, üpwe pwal achikara ekewe aramas o ngeniir unusen kinamwe me nonomöch.

Isikiel 47:12

Iwe, lepekin ewe chanpupu me rüepek epwe märitä chomong sokun irän mongö. Chör resap pwasala, uar resap itela, pwe epwe wor uar mi nup iteiten maram, pun ewe koluk ra manau ren a puwu seni ewe leni mi pin. Iwe, aramas repwe mongö uar, repwe pwal pöchökül seni ar samau ren chör.”

Osea 6:1

Iwe, ekewe aramas ra apasa, “Ou etto, ousipwe liwiniti ewe Samol mi Lapalap. I a atatakisikich, epwe pwal apöchökülakich. I a akinasakich, epwe pwal filiti kinasach.

Osea 6:3

Ousipwe achocho ngeni ach sipwe silei ewe Samol mi Lapalap. Usun mal a tö iteiten lesosor, iei usun epwe fokun waroto. Epwe wareitikich usun püngün üt, usun ekewe ütten leres mi achöchönü fanüfan.”

Malakai 3:16

Mürin, chokewe mi niuokusiti ewe Samol mi Lapalap ra kapasfengen lefiler, nge ewe Samol mi Lapalap a afäliir o aüselinga ar kapas. A wor eu puken achechem me fän mesan, a makelong iten chokewe mi niuokusiti i, ewe Samol mi Lapalap, o chechemeni itan.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 23:37

“Jerusalem, Jerusalem! Ka niela ekewe soufos o mone fau ngeni ekewe chon künö Kot a tinato reöm! A fän fite ai mochen achufengeni noumw kewe aramas usun eman inelapen chuko a amwichafengeni nöün kana fän pöükässin, nge ämi ousap mochen.

Lukas 1:50

A pwärala an ümöümöch ngeni chokewe mi niuokusiti seni eu pilon aramas tori eu pilon.

Lukas 1:78

Ach Kot a ümöümöch o lukpwetete. Epwe awora ngenikich ewe Saramen Manau seni läng,

Lukas 2:32

Epwe eu saram mi pwärala letipom ngeni chon lükün Israel, nge epwe awarato ling ngeni noumw aramasen Israel.”

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 1:4

Ewe Kapas i ewe popun manau, nge ei manau a uwato saram ngeni aramas meinisin.

Johannes 1:8

Püsin i esap ewe saram, nge a feito pwe epwe asile ngeni aramas usun ewe saram.

Johannes 12:40

“Kot a achunala meser o aföüala letiper, pwe resap tongeni künakün ren meser ika wewe ren letiper, ika kul ngeniei, pwe üpwe apöchöküleretä.”

Johannes 8:12

Iwe, Jesus a kapassefäl ngeni ekewe aramas o üreniir, “Ngang ewe saramen fanüfan. Iö a tapweto müri epwe eäni ewe saramen manau, nge esap fetal lon rochopwak.”

Johannes 9:4

Lupwen a chüen rän, üpwe fokun föri angangen ewe mi tinieito. Pwin epwe war lupwen esap wor eman a tongeni angang lon.

Föför 13:26

Ämi pwii kana re Israel, ämi mwirimwirin Apraham me ämi chon lükün Israel meinisin mi fel ngeni Kot: Ei kapasen manau Kot a fen tinato ngenikich!

Föför 13:47

Pun iei usun mine ewe Samol a allük ngenikem, ‘Üa föri pwe kopwe eu saram fän iten chon lükün Israel, pwe kopwe uwato manau ngeni chon fanüfan meinisin.’”

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

2. Tesalonika 1:3

Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.

2. Petrus 1:19

Iei mine aia fokun apilükülükü ekewe kapas ekewe soufos ra arongafeili. A men öch ngenikemi pwe oupwe tümwünüöchü, pun a usun chök eu lamp mi tittin lon eu leni mi rochopwak tori an epwe ränila o ewe füün rän epwe tin lon letipemi.

2. Petrus 3:18

Nge oupwe chök mämäritä lon än ach Samol me Chon Amanau Jesus Kraist ümöümöch me silelap. I epwe ling ikenai tori feilfeilachök. Amen.

1. Johannes 2:8

Nge iei üpwe makkei ngenikemi eu allük mi fö, pun a pwä letan lon Kraist pwal lon ämi. Pun rochopwak a wesila, nge ewe saram mi let a fen tin.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 2:28

Üpwe pwal ngeni ewe füün rän.

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”

Pwärätä 22:2

o a putiu lukalapen alen ewe telinimw. Iwe, lepekin ewe chanpupu me rüepek a wor irän manau ra ua fän engol me ruu lon eu ier, fän eu lon eu me eu maram, chör kewe ra tufichin apöchöküla chon ekewe mwü.

Rut 2:12

Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”