Malakai 4:1 - Chuukese Bible

¹ Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Malakai 4:1 Iomraidhean Croise

Hiop 18:16

Waran kewe mi nom fan ra mäla, nge palan kewe ra pwasala.

Kölfel 119:119

Ekewe aramasangau meinisin won fanüfan ra usun chök mettoch mi limengau me fän mesom, iei mine üa aücheani om kewe öüröür.

Kölfel 37:9

Pun ekewe aramasangau repwe käriwu, nge chokewe mi apilükülükü ewe Samol mi Lapalap repwe fanüeni ewe fanü.

Ekistos 15:7

Lon unusen om manaman ka aturätiu chokewe mi pälüenuk, ka tinato om song mi pöchökül, pwe a fisiir usun fetilipwas.

Aisea 40:24

Ra usun chök irä mi pwukufö ra kärän fotetiu, esamwo tö warer. Nge lupwen Kot a tinato eu mölümöl, ra pwasala o ässila usun chöpwasapwas.

Aisea 41:2

Iö a apwökü ewe aramas seni ötiu, ätewe mi win ekis meinisin? Iö a mwütätä pwe epwe akufu ekewe mwü o puri ekewe king fän pechen. Iwe, nöün ketilas epwe atatakisiir pwe repwe usun chök pwül moromor, nge an likapich epwe ässirela usun asepwäl a ässala chöpwasapwas.

Aisea 47:14

Ellet, ir ra usun chök fetilipwas ekkei a kenirela. Resap tongeni püsin amanaueer seni ngetengeten me pwichikaren ewe ekkei. Iwe, ren ei ekkei resap tongeni arareer, resap pwal tongeni mot arun, pun a afeiengau.

Aisea 5:24

Iei mine warer repwe pwasala, nge sotur repwe mworotiu usun pipi. Iwe, repwe müükala usun chök pötöwöl mi pwas lon ngetengeten ekkei, pwal usun chök fetilipwas lon characharen um. Pun ra pöütala än ewe Samol mi Unusen Manaman allük o turunufasei än Ewe mi Pin lon Israel kapas.

Aisea 9:18

Ellet, än ekewe aramas föföringau a ngetenget usun ekkei, a ngeteri pötöwölingau me iräfölüföl, a kenala ewe wöllap pwe eu kuchun ötüöt a ötütä seni.

Aisea 9:19

Pokiten än ewe Samol mi Unusen Manaman song ewe fanü a karala, nge ekewe aramas ra usun chök amüch lon ekkei. Esap wor eman a tongei pwiin.

Isikiel 20:38

Üpwe aimwü senikemi chokewe mi lükümach o ü ngeniei, pwal chokewe mi tipis ngeniei. Iwe, üpwe emwenirewu seni lon ekewe fanü ia ra nonom ie, nge resap tolong lon ewe fanü Israel. Mürin oupwe silei pwe ngang ewe Samol mi Lapalap.”

Isikiel 21:32

Iwe, oupwe karala ren ekkei. Chami epwe suputiu won fanüemi, nge esap wor eman epwe chüen chechemenikemi, pun ngang ewe Samol mi Lapalap üa kapas.”

Isikiel 24:11

Iei kopwe isetä ewe kama mi pön won ekkei pwe epwe sarara. Mürin, limengauen lon me parangan repwe morola.

Isikiel 34:17

Iwe, iei aloi ngang Kot ewe Samol mi Lapalap ngeni ämi nei sip kana: Üpwe apwüngükemi o aimwüfeseni ekewe sip mi mürina seni ekewe mi ngau, ekewe ätemwänin sip seni ekewe ätemwänin kuuch.

Isikiel 7:10

Ewe rän a war. Feiengau a feito womw. Pwüngingau a pwükütä, nge lamalamtekia a fokun wattela.

Sowel 2:1

Oupwe ettiki rappwa lon Sion, oupwe asilesil me won ewe chukun Kot mi Pin usun ewe feiengau epwe war. Oupwe chechech, ämi aramasen Juta meinisin, pun ränin ewe Samol mi Lapalap a war.

Sowel 2:31

Akkar epwe rochola, nge maram epwe wiliti cha mwen epwe war ränin ewe Samol mi Lapalap, ewe rän mi lap o eniwokus.

Amos 2:9

Nge pokitemi, ämi nei aramas, üa wesewesen arosala ekewe chon Amor, chokewe mi langatam usun ekewe irä setar o pöchökül usun ekewe irä ook.

Opataia 1:18

Iwe, ekewe mwirimwirin Jakop repwe wewe ngeni eu ekkei, ekewe mwirimwirin Josef repwe wewe ngeni pulopulen ekkei, nge ekewe mwirimwirin Esau repwe wewe ngeni fetilipwas. Repwe arosala ekewe mwirimwirin Esau, pwe esap chüen wor eman epwe manau. Ngang ewe Samol mi Lapalap üa kapas.

Nahum 1:10

Oupwe karala usun irafölüföl mi likäräfit, pwal usun fetilipwas.

Sefanaia 1:14

Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.

Sefanaia 1:18

Sap ar silifer ika ar kolt epwe tongeni angaseer lon ewe ränin än ewe Samol mi Lapalap lingeringer. Unusen fanüfan epwe karala ren ekkeiin an lingeringer, pun epwe müttir le awesi manauen chon fanüfan meinisin.

Sekaraia 14:1

Iwe, ränin än ewe Samol mi Lapalap apwüng a arapoto. Mürin, aramas repwe angei pisekimi chon Jerusalem fän pöchökül o aineti fän mesemi.

Malakai 3:15

Iei mine sa apasa pwe ekewe chon lamalamtekia ra feiöch. Ekewe chon föföringau resap chök pisekisekila, pwe ra pwal sotuni Kot, nge resap angei liwiningauer.’”

Malakai 3:18

Mürin, oupwe tongeni alefilasefäli lefilen eman chon pwüng me eman aramasangau, lefilen ätewe mi angang ngeni Kot me ätewe esap angang ngeni.”

Malakai 3:2

Nge iö epwe tongeni pwäk lon ewe ränin an feito? Iö epwe tongeni ütä, lupwen epwe pwä? Pun i a wewe ngeni soop mi müttir limetawu limengau, a pwal wewe ngeni än eman ekkein ketel mächä.

Malakai 3:3

I epwe mot usun eman chon ketel mächä me eman chon limelim silifer. Epwe limeti chon ewe ainangen Lefi o alimöchüür usun eman a limeti kolt me silifer, tori repwe uwato ekewe asor mi fich ngeni ewe Samol mi Lapalap.

Malakai 4:5

Nengeni, ngang üpwe tinala remi ewe soufos Elias me mwen ränin ewe Samol mi Lapalap epwe war, ewe rän mi lap o eniweniu.

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Lukas 19:43

Pun epwe war ewe fansoun pwe chon oputom repwe pwelifeiliik, repwe aüetä ar ororen maun ünükum o rongeekela.

Lukas 21:20

“Iwe, lupwen oupwe küna pwe sounfiu ra pwelifeili Jerusalem, mürin oupwe silei pwe a arapoto fansoun an epwe tala.

Lukas 6:23

Oupwe pwapwa are a fis ei sokun lapalap ngenikemi, oupwe mwetemwet fän pwapwa, pun liwinimi mi watte epwe iseis lon läng fän itemi. Pun ar kewe lewo ra fen föri ekei sokun föför ngeni ekewe soufos.

2. Tesalonika 1:8

epwe pwal feito ren ngetengeten ekkei, pwe epwe apwüngü chokewe mi pöütala Kot, resap pwal aleasochis ngeni ewe Pworausen Manau usun ach Samol Jesus.

2. Petrus 3:7

Nge ekewe läng me ei fanüfan mi nom iei ra iseis ren ewe chök kapasen Kot pwe repwe tala ren ekkei. Ra nonom tori ewe rän, lupwen ekewe aramas resap meniniti Kot repwe küna kapwüng me mäla.