Malakai 3:3 - Chuukese Bible

³ I epwe mot usun eman chon ketel mächä me eman chon limelim silifer. Epwe limeti chon ewe ainangen Lefi o alimöchüür usun eman a limeti kolt me silifer, tori repwe uwato ekewe asor mi fich ngeni ewe Samol mi Lapalap.

Malakai 3:3 Iomraidhean Croise

Kölfel 116:17

Üpwe eäni ngonuk ewe asoren kilisou o iotek ngonuk.

Kölfel 4:5

Oupwe eäni sokun asor mi pwüng ngeni ewe Samol mi Lapalap o anomu ämi apilükülük won.

Kölfel 4:6

Chomong aramas ra apasa, “Iö a tongeni fang ngenikich feiöch?” Ai Samol mi Lapalap, kopwe netiu wom o kirikiröch ngenikem.

Kölfel 50:14

Ämi kilisou epwe ina ämi asor ngeni Kot. Oupwe apwönüetä ämi kewe pwon oua eäni ngeni Ewe mi Unusen Manaman.

Kölfel 50:23

Eman mi kilisou ngeniei ina an asor ngeniei. Ren ei a asamoluei, nge eman mi aleasochisiei üpwe fokun amanaua.”

Kölfel 51:19

Mürin kopwe pwapwa ren ekewe asor mi fis fän pwüng, pwal ren äm kewe asoren kek. Mürin, ekewe ätemwänin kow repwe kekila won om rongen asor.

Kölfel 66:10

Pun en äm Kot, ka sotunikem, ka limetikem usun aramas ra limeti silifer.

Än Salomon Fos 17:3

Silifer me kolt ra limelim lon ewe lenien ketel, nge ewe Samol mi Lapalap a sotuni leluken aramas.

Än Salomon Fos 25:4

Kopwe limeti ewe limengau seni ewe silifer, mürin epwe wor mine ewe chon föri pisek seni silifer epwe aea le föri eu sepi.

Aisea 1:25

Ngang üpwe apwüngükemi, üpwe limetikemi usun mächä a limelim ren ekkei, pwe meinisin mine a ngau lomi epwe imwüla senikemi, üpwe pwal angei senikemi ämi limengau.

Aisea 48:10

Nengeni, üa limetuk, nge esap usun än eman limeti silifer won ekkei. Üa sotunuk ren riaföü mi watte, a wewe ngeni eu um mi fokun pwichikar.

Aisea 61:6

Nge ämi oupwe iteni nöün ewe Samol mi Lapalap souasor, pwal nöün ach we Kot chon angang. Iwe, oupwe manau seni wöün mwü kana, oupwe pwal pisekini pisekir o küna ling ren.

Jeremaia 9:7

Iei mine ewe Samol mi Unusen Manaman a apasa, “Nengeni, üpwe limeti nei aramas usun eman chon ketel a limeti mächä, üpwe sotuniir. Pun met echök üpwe tongeni föri ren nei aramas mi föri mine a ngau.

Isikiel 20:38

Üpwe aimwü senikemi chokewe mi lükümach o ü ngeniei, pwal chokewe mi tipis ngeniei. Iwe, üpwe emwenirewu seni lon ekewe fanü ia ra nonom ie, nge resap tolong lon ewe fanü Israel. Mürin oupwe silei pwe ngang ewe Samol mi Lapalap.”

Taniel 11:35

Iwe, ekoch lein ekewe chon mirit repwe feiengau pwe epwe fis än ekewe aramas sosot, ar limelim me ar ling tori ewe fansoun sopolan a pwüngüla me ren Kot, nge esamwo tori.

Taniel 12:10

Chomong aramas repwe limelim pwe repwe unusen limöch o mürina. Nge ekewe chon föföringau repwe föri mine a ngau. Esap wor eman leir epwe wewe, pwe chokewe chök mi mirit.

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Numperis 8:6

“Kopwe aimwüela ekewe mwän seni ewe ainangen Lefi seni lein ekewe aramasen Israel o limetiir.

Lukas 3:16

Iei mine Johannes a üreniir, “Ngang üa papataisikemi ren koluk, nge eman mi lap seniei epwe feito, ngang üsap fich ngeni ai üpwe mwo nge apichi ririn ipwan sus, ätewe epwe papataisikemi ren Ngünmifel me ekkei.

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

2. Timoty 4:6

Nge me rei, a tori ewe fansoun ai üpwe fangala manauei ngeni Kot pwe eu asor, a tori ewe otun ai üpwe mäla.

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Ipru 12:10

Samach kana lon pekin fituk ra apwüngükich lon fansoun mochomoch, usun ra ekieki pwe a pwüng. Nge Kot a ekieki ach feiöch lupwen a apwüngükich, pwe sipwe eäni an pin.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 2:5

Pwal ämi oua usun chök fau mi manau. Oupwe mwüt ngeni Kot pwe epwe aükemiitä, pwe oupwe eu imwen ngün, ia oupwe angang ie lon wisen souasor mi pin, pwe oupwe eäni sokun asor Ngünmifel a tipeni, Kot a etiwa ren Kraist.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

Pwärätä 1:6

a pwal föri senikich eu mwün souasor, pwe sipwe angang ngeni Kot Saman. Jesus Kraist epwe küna ling me manaman tori feilfeilachök! Amen.

Pwärätä 3:18

Iei mine üpwe ürenuk mine kopwe föri: Kopwe kamö seniei kolt mi limelim ren ekkei, pwe kopwe pisekisekila. Kopwe pwal kamö üf mi pwechepwech, pwe kopwe üföüf o pwölüela asäwen om selela. Kopwe pwal kamö säfeen mas, pwe kopwe säfeeni mesom pwe kopwe tongeni küna mwomw.

Pwärätä 5:10

Ka för seniir eu mwün souasor, pwe repwe angang ngeni ach Kot, nge repwe nemenem won fanüfan.”