Malakai 2:3 - Chuukese Bible

³ Nengeni, üpwe apwüngü mwirimwirimi kewe, üpwe tofi ngeni won mesemi kiten enen ämi kewe mönün asor o atowukemi seni fän mesei.

Malakai 2:3 Iomraidhean Croise

1. King 14:10

Iei mine üpwe aworato feiengau womw, üpwe ärala noum mwän meinisin seni ekewe kükün tori watte. Üpwe fokun arosala chon leimwom meinisin, usun eman aramas a pirumweela mettoch mi limengau, tori esap chüen wor och lusun.

Hiop 20:7

epwe chök morola usun kiten anan tori feilfeilachök. Chokewe mi küna i me mwan repwe apasa, ‘Ia ätewe a nom ie?’

Kölfel 47:5

Kot a feitä ren an lenien motun king fän mweireiren pwapwa, ewe Samol mi Lapalap a feitä fän tikin rappwa.

Kölfel 83:10

Ir ra ninnila me Entor, inisir a usun chök kiten mongö won pwül.

Ekistos 29:14

nge fituken ewe ätemwänin kow me silin pwal taran kopwe kenirela lükün ewe ia chon Israel ra nonom ie, pun iei eu asoren tipis fän iten ekewe souasor.

Jeremaia 8:2

Iwe, repwe toropas fän akkar me maram pwal fän ekewe fün läng meinisin. Pun ikei ekewe mettoch ekewe aramas ra echeniir o angang ngeniir, ra pwal angei ar öüröür me rer o fel ngeniir. Esap wor eman epwe ionifengeni ekewe chü o peiaseniir. Repwe usun chök kiten mongö me won pwül.

Sowel 1:10

Iwe, ekewe tanipi ra tala, nge ewe pwül a masua. Ekewe irän wiich ra tala, ewe wain me ewe apüra seni föün olif ra morola.

Sowel 1:17

Iwe, ekewe föün irä mi fot lon pwül ra pwasala. Esap wor föün wiich lon ekewe lenien iseis, iei mine ekewe imwen iseis föün wiich ra pöla o tala.

Lifitikos 26:16

iei usun mine üpwe föri ngenikemi: Üpwe awarakaieto womi niuokus watte, fius me pwichikar mi atopwala mesemi o akisikisala pöchökülen inisimi. Iwe, epwe solap ämi fofot, pun chon oputakemi repwe eni uän fotämi.

Nahum 3:6

Üpwe pwölü ngonuk limengau, üpwe aitengauok o äsäwok fän mesen aramas.

Malakai 2:9

Iei mine üpwe föri pwe ekewe aramas meinisin repwe turunufaseekemi o aücheangauakemi, pokiten ousap föri letipei, nge oua pwal lifilifil lon ämi aiti ngeni aramas ekewe allük.”

Lukas 14:35

Esap wor lomotan ngeni ewe pwül ika ngeni an epwe koiasi, epwe chök koturula. Iö a wor selingan epwe rongorong.”

1. Korint 4:13

Lupwen ra aitengauakem, aia pölüeniir lon kapas pwetete. Aia wewe ngeni mettoch lon lenien koturula, aia wewe ngeni limengauen ei fanüfan tori ikenai.

Tuteronomi 28:38

Iwe, oupwe amorafeili chomong föün irä lon ämi tanipi, nge kiniemi ua repwe chokükün, pun ekewe lifichimas repwe chök eni.