Malakai 2:2 - Chuukese Bible

² Oupwe asamoluei. Nge are ousap mochen aüselinga mine üa ürenikemi, mürin üpwe awarato anümamau womi o anümamaua feiöchümi kewe. Ellet, üa fen anümamaueer pokiten ousap ekieki ai kewe kapas lon lelukemi.

Malakai 2:2 Iomraidhean Croise

Kölfel 69:22

Amwo ar kewe kametip repwe wiliti eu likatup ngeniir, nge ar kewe chulapen mongö mi pin repwe wiliti eu sär mi awarato feiengau wor.

Än Salomon Fos 3:33

Ewe Samol mi Lapalap a anümamaua chon leimwen eman aramasangau, nge a afeiöchü chon leimwen eman chon pwüng.

Aisea 42:25

Iei mine Kot a awarato an song won chon Israel o afeiengaueer lon maun. Iwe, an song mi usun ekkei a küriir, nge resap mirit ren, a keniir, nge resap ekieki usun.

Aisea 47:7

Iwe, ka apasa, ‘Ngang üpwe samol fefin tori feilfeilachök,’ nge kosap el ren ekei mettoch, kosap pwal ekieki usun sopolar.

Aisea 57:11

Iwe, ewe Samol mi Lapalap a apasa, “Iö oua niueiti pwe oua chofana ngeniei, ousap pwal chechemeniei ika ekieki usi? Ifa usun, sap ren ai fanafanala ngenikemi fansoun langatam, iei popun ousap niueitiei?

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Isikiel 3:7

Nge chon Israel resap mochen aüselingok, pun resap pwal mochen aüselingaei. Ir meinisin ra tipepöchökül o tipeweires.

Akai 1:6

Oua fotuki chomong, nge oua kini chokükün. Oua mongö o ün, nge ousap fokun möt ren. Oua aüföüfakemi, nge ousap mefi kinamwe ren, nge ir mi angei liwinin ar angang ra usun chök nge ra iseni liwinir lon eu lenien iseis mi wor pwang lon.”

Akai 1:9

Oua apilükülükü eu räs mi watte, nge oua chök angei chokükün. Lupwen oua iseis resin fanüemi lon ämi imwen iseis, üa ataela. Met popun? Pokiten imwei Imwenfel a tala, nge oua chök ekieki usun en me imwan.

Malakai 2:1

Iei alon ewe Samol mi Unusen Manaman, “Ämi souasor kana, iei ai allük ngenikemi:

Malakai 3:9

Eu anümamau a nom womi. A nom womi chon Israel meinisin, pun oua soläni och seniei.

Lukas 17:18

Pwota ei chök eman re ekis a liwinsefälito o pwärätä an kilisou ngeni Kot?”

Josua 7:19

Mürin Josua a üreni Akan, “Nei, kopwe kapas wenechar fän mesen ewe Samol mi Lapalap ewe Koten Israel o pwärätä meinisin. Iei kopwe üreniei met ka föri, nge kosap aopala och seniei.”

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 16:9

Ra kar ren watten pwichikaran, iwe, ra otteki iten Kot, ewe mi wor an nemenem won ekei feiengau. Nge resap mochen aier seni ar tipis o alinga Kot.