Malakai 2:1 - Chuukese Bible

¹ Iei alon ewe Samol mi Unusen Manaman, “Ämi souasor kana, iei ai allük ngenikemi:

Malakai 2:1 Iomraidhean Croise

Jeremaia 13:13

Mürin kopwe üreniir pwe ngang ewe Samol mi Lapalap üpwe aünü chon ei fanü meinisin wain tori repwe pulas. Ekewe king ir mwirimwirin Tafit, ekewe souasor, ekewe soufos me chon Jerusalem meinisin repwe ün.

Kölün kechü 4:13

Ei a fis pokiten än nöün Jerusalem kewe soufos tipis, pwal pokiten än nöün kewe souasor föföringau. Ir chokewe mi niela ekewe chon pwüng.

Osea 5:1

“Ämi souasor, oupwe aüseling, ämi chon Israel, oupwe aü selingemi, nge ämi chon leimwen king, oupwe rongorong. Pun ewe apwüng epwe weneitikemi pokiten oua wewe ngeni eu likatup lon Mispa me eu cheew mi meresila won ewe chuk Tapor,

Malakai 1:14

A anümamau eman chon atuputup mi pwon pwe epwe eäni ngeniei asor eman ätemwänin sip seni nöün pwiin man, nge mürin a eäni asor eman mi wor terin. Pun ngang eman king mi lap, nge chon ekewe mwü ra meninitiei.”

Malakai 1:6

Iei alon ewe Samol mi Unusen Manaman ngeni ekewe souasor, “Eman nau a asamolu saman, nge eman chon angang a asamolu an samol. Are ngang sememi, pwota ousap asamoluei? Nge are ngang nöümi samol, pwota ousap meninitiei? Ämi souasor oua turunufaseei. Nge oua ais, ‘Met aia turunufaseek ren?’

Malakai 2:2

Oupwe asamoluei. Nge are ousap mochen aüselinga mine üa ürenikemi, mürin üpwe awarato anümamau womi o anümamaua feiöchümi kewe. Ellet, üa fen anümamaueer pokiten ousap ekieki ai kewe kapas lon lelukemi.